Ок, Ријана баш се потрудила да го привлече нашето внимание со последниот спот ама не дека и на овие простори нема уметници кои не штедат ни труд, ни време, ни пари ни идеи за да ни ја јако визуелизираат својата песна. Одиме значи со Кемал Маловчиќ, Јужни ветар и песната "Згодна, а сама" (јес!). Пазете, ова е понудено како официјален видео спот, ако налетате на некој друг, да знаете дека се работи за ефтин плагијат.

Катерина Муцацу живее и работи во Лос Ангелес (актерка, продуцент, писател) и е убава, згодна и на прв поглед, бааги луда Гркинка. Слушнете го нејзиниот хеленистички манифест еднаш, двапати, трипати.... колку што треба пати и пак ќе се прашате: Не, стварно - што уствари сака она? Ако го гледате како пародија, тогаш е пасент.

Ултра забавна репортажа за Скопје направена од сараевскиот концептуален уметник Дамир Никшиќ. Оди по нашиот "град пресоблечен во 19-от век", го гледа со свежи очи ем здрав дух и онда јаде бабури. А знае да погоди меѓу рогови. Вика: "Секаде ви пишува Македонија, за да знаете каде сте. Само не ви кажува кога сте".