Алекс и Елена во колa (ако ви личи на мк верзија на Андрија и Анѓелка, за жал, многу погрешно). Овие решиле да вклучат камера и да ни ја откријат тајната на нивната љубов (види наслов). И што мислат еден за друг (види наслов). И да нафрлат пар споменарски мудролии за смислата на животот (види наслов). И да ни се заканат дека отсега сите нивни муабети вака ќе ги документираат. Нееееее!

Битолчани и нивниот краток филм се во трка со уште 1.200 други учесници од цел свет, па сепак се држат меѓу првите 30. Тек сега ние кога ќе подбутнеме, нели?

Еднаш линкавме до оваа рубрика но вреди и за посебно внимание. Некогаш моќниот и влијателен Дневник денес има ангажирано јасновидец која, логично, се вика Звездана и 'им гледа' на луѓе кои си имаат некоја мака. Не ни е за уредувачката политика, нам жал ни е за Орданче. Звездана го наруга за сите пари.  

Кога не би воделе сметка за културата на јавниот збор, оваа епизода би ја најавиле вака: "Ќе мозгаме за клиентелизмот на владеачките партии, а ова овде, за говно во тегла би се продало". Ама, водиме сметка, па нема да го пишеме тоа.