Видеата и постовите на овој уметник се вирални, со милиони прегледи, иако на нив навидум нема нешто особено - од една страна слика на ѓубре, од друга страна човечка фигура која изгледа и се движи слично на него. Човекот зад профилот е кореограф, дипломец од Калифорнискиот институт за уметности, Шоџи Јамасаки. Серијата „Загадени движења“ (Littered Mvmnts) се фокусираат на изолирани парчиња отпад на кој тој наишол во регионот на Лос Анѓелес, но (за чудо) и во Јапонија.
Сè започнало во времето на КОВИД, кога во март 2020 тој почнал да шета наоколу за да си ја разбистри главата и да го собира ѓубрето коешто ќе го видел по пат. Но претходно го регистрирал, начинот на кој овие предмети „танцувале“ на ветерот.
„Мислам дека отсекогаш ме интересирало што е она што луѓето одлучуваат да го задржат а што да фрлат во текот на своите животи. Можеби помеѓу нас има разлики, можеби зборуваме различни јазици, но ѓубрето е нешто што е заедничко - го произведуваме и на некој начин тоа обединува“, вели тој.
Токму универзалноста на темата му овозможува да допре до повеќе луѓе, кои без оглед од каде се оставаат слични коментари на неговите видеа.
Во својата работа Јамасаки се води од две правила - секој предмет којшто ќе го одбере мора да е отпад а не нешто органско, како мртви лисја. И, секој костим што ќе го искористи мора да е од неговиот шифоњер, во обид да се спречи создавање дополнителен отпад низ правењето на серијата. Секако, во неа има и поучна нишка, но и многу хумор.
@litteredmvmnts PSA: Please pick up your trash. 🚮 #東京 #ポイ捨て #tokyo #japan #tokyojapan #duet #trashduet #litteredmvmnts #litter #trash #pollution #pickupyourtrash #saveourplanet #dontlitter #litterbug #performanceart #interpretivedance ♬ original sound - LITTERED MVMNTS
