Крис Кристоферсон, пред да стане познат кантри пејач и актер, поминал низ разни работи, меѓу другото бил воен хеликоптерски пилот, па дури и чистач во студиото на „Колумбија рекордс“, каде што ги собирал празните чаши на Боб Дилан. Подоцна летал работници до нафтени платформи во Мексиканскиот залив. Во тој турбулентен период ја напишал песната која ќе му ја отвори вратата кон успехот – „Јас и Боби МекГи“. Брзо почнале да ја снимаат познати изведувачи како Роџер Милер и Кени Роџерс, всушност брзината на преработување зависела единствено од брзината на потпишување договори за отстапување на авторските права.
Клучниот момент дошол кога Џенис Џоплин ја снимила својата верзија. Таа променила дел од стиховите и го направила Боби машко, со што песната добила нова емоционална тежина. Иако Кристоферсон во почетокот се двоумел околу измените, свесен бил дека токму таа интерпретација ќе ја засени секоја друга. Девет дена по снимањето, Џоплин починала од предозирање, а песната постхумно станала нејзин најголем хит и број еден на топ-листите.
Инспирацијата за насловот дошла од Боби МекГи, секретарка во една музичка канцеларија во Нешвил. Нејзиниот шеф, продуцентот Фред Фостер, бил вљубен во неа и му предложил на Кристоферсон да напише песна со тоа име. Таа никогаш не очекувала да стане дел од музичката историја, но песната ја претворила во „скриена муза“ на една од најлегендарните композиции во американската поп-култура.
Со текот на времето ја изведувале голем број музичари – од Доли Партон до „Грејтфул дед“ – но таа останува најмногу врзана за гласот на Џенис Џоплин. А вистинската Боби, секогаш скромна, вели дека за неа тоа било едноставно „најубавата песна што некогаш ја слушнала“.
Целата детална приказна со повеќе верзии од песната тука
