Почнувајќи од 16 век најмалку 680 видови ’рбетници засекогаш исчезнале од Земјата. Најновиот список на истребени птици и животни е изработен во САД и се однесува на нивните територии, но укажува на опасноста истите или други видови засекогаш да исчезнат и од други локации.
Помеѓу видовите има посебен вид клукајдрвец со слоновокоскест клун, овошен лилјак и неколку видови школки.
Одговорната институција за прогласување на загрозени и исчезнати видови во САД е Fish and Wildlife Service, која следи 1,667 загрозени животни и растенија. Тие имаат песимистичко сценарио, дека во следните неколку години би можело да се очекуваат уште видови на списокот на исчезнати.
Наташа Атанасова (blen.mk) и Марија Павлеска (@mama_mi_chita) го започнаа книжевниот подкаст ЧИТКАСТ.
Во првата епизода низ игрив дијалог се покриваат куп теми, меѓу кои: Книга, киндл или аудиокнига?; Три книги со најголемо влијание на нивните животи; Една книга што би ја спасиле при пожар; Како бираат што читаат? итн.
Данскиот музички состав ЕФТЕРКЛАНГ ќе оджи концерт на отворено во културниот центар Паблик рум на 1 мај. Настанот, кој е замислен како “пикник – концерт” ќе започне во 14 часот.
ЕФТЕРКЛАНГ е дански бенд составен од три пријатели од детство, Мадс Браусер, Каспер Клаусен и Расмус Столберг. На 27 септември 2024 година го објавија нивниот 7 студиски албум насловен како “Things We Have In Common” со што ја започнаа својата светска турнеја.
Документарниот филм, “Efterklang: The Makedonium Band” (за кого во Букбокс пишувавме тука) беше премиерно прикажан во рамки на фестивалот “CPH:DOX” во Копенгахен, додека домашната премиера се реализираше во рамките на минатогодишниот филмски фестивал Синедејс.