Станува збор за зимзелено дрво во тропската шума Ебо во Камерун. Латинското име е Uvariopsis dicaprio и е првото ново растение опишано во 2022.
U. dicaprio може да порасне и до неколку метри, а е воочливо по специфичните и сјајни зелено-жолти цветови на своето стебло. Блиско е до дрвото иланг-иланг кое расте во Индија, југоисточна Азија, Филипините и Австралија.
Засега се идентификувани помалку од 50 вакви дрва, а истите се ограничени на единствена, незаштитена зона на шумата Ебо. Оттаму, ботаничарите сакаат да привлечат внимание кон него со тоа што му доделиле име на холивудската ѕвезда, позната по залагањата за животната околина и прашањата на климатските промени.
Наташа Атанасова (blen.mk) и Марија Павлеска (@mama_mi_chita) го започнаа книжевниот подкаст ЧИТКАСТ.
Во првата епизода низ игрив дијалог се покриваат куп теми, меѓу кои: Книга, киндл или аудиокнига?; Три книги со најголемо влијание на нивните животи; Една книга што би ја спасиле при пожар; Како бираат што читаат? итн.
Данскиот музички состав ЕФТЕРКЛАНГ ќе оджи концерт на отворено во културниот центар Паблик рум на 1 мај. Настанот, кој е замислен како “пикник – концерт” ќе започне во 14 часот.
ЕФТЕРКЛАНГ е дански бенд составен од три пријатели од детство, Мадс Браусер, Каспер Клаусен и Расмус Столберг. На 27 септември 2024 година го објавија нивниот 7 студиски албум насловен како “Things We Have In Common” со што ја започнаа својата светска турнеја.
Документарниот филм, “Efterklang: The Makedonium Band” (за кого во Букбокс пишувавме тука) беше премиерно прикажан во рамки на фестивалот “CPH:DOX” во Копенгахен, додека домашната премиера се реализираше во рамките на минатогодишниот филмски фестивал Синедејс.
