- Фото-кино клубот „Козјак“ од Куманово, организатор на фестивалот на краток филм „ФИЛМАЈ 2023“, ги кани филмските автори да пријават свои дела во наредните две недели. Пријавувањето е преку платформите „festhome“ и „FilmFreeway“. Конкурсот е отворен до 31 март годинава.
- Резултатите ќе бидат објавени при крај на месец април, а самиот фестивал ќе се одржи во две вечери (30 и 31 мај 2023), во Занаетчиски дом – Куманово. Претходница на фестивалот ќе биде ревијална вечер на 11 мај 2023, во рок-бар „Валхала“ во Куманово, каде ќе биде прикажан избор од кратки филмови од првите четири изданија на фестивалот, соопшти организаторот.
- Петтото издание на ФИЛМАЈ фестивалот ќе се случи во година кога фото-кино клуб „Козјак“ – Куманово одбележува 75 години од основањето.
- Дали е чудно да се каже антропологинка, етнологинка или гинекологинка? Одговорите на овие и многу други прашања ќе бидат во фокусот на дискусијата „Од каде сега феминативи?“, што ќе се одржи на 4 јуни (четврток) во Лабораториум со почеток во 19 часот.
- Иницијативата „Зборци“ организира отворена дискусија посветена на феминативите и нивната улога во современиот македонски јазик. Настанот ќе отвори разговор за тоа колку сме подготвени да ги менуваме јазичните навики и како зборовите влијаат врз начинот на кој ја разбираме и обликуваме реалноста.
- На настанот ќе се обратат проф. д-р Симон Саздов од Филолошкиот факултет „Блаже Конески“, етнологинката и антропологинка Јана Коцевска и македонистката и лекторка Татјана Б. Ефтимоска. Организаторите најавуваат отворен разговор во кој публиката ќе има можност активно да се вклучи и да придонесе кон дебатата за јазикот, родот и општествените промени.
- Филмот „Фјорд“ од романскиот режисер Кристијан Мунџиу ја освои Златната палма вечерва на 79-от Меѓународен филмски фестивал во Кан, објавија француските медиуми. Мунџиу ја доби својата прва Златна палма во 2007 година за филмот „4 месеци, 3 недели и 2 дена“.
- Гран при наградата ја освои продукцијата „Минотаур“ од рускиот режисер во егзил Андреј Звјагинцев, додека наградата на жирито ја доби филмот; „Сонуваната авантура“ во режија на Валеско Гризебах.
- Наградата за најдобар режисер им припадна на Хавиер Калво и Хавиер Амбрози за филмот „Црната топка“ (La Bola Negra), како и на Павел Павликовски за филмот „Татковина“.
- Претседател на жирито оваа година беше јужнокорејскиот режисер Парк Чан Вук, а во жирито беа американската актерка Деми Мур (Мур) и кинеската режисерка Клое Жао.
