„Спиритуалист“, весник објавуван во Британија од 1869-1882, е полн со приказни за натприродни случки и совети за комуницирање со мртвите.
„Формирајте круг од четири, пет или шест луѓе, со истоветен број од истиот пол. Седнете околу дрвена маса непокриена со чаршаф, на која ќе поставите пенкала и чиста хартија за пишување, за да запишете каква и да е порака што ќе биде добиена“.
Модата за комуникација со починати започнала во последната деценија на 19 век во Америка, но од таму се проширила во Британија. Спомнатиот весник излегувал во Лондон. Сите броеви сега се архивирани на JSTOR и достапни за прегледување.
Наташа Атанасова (blen.mk) и Марија Павлеска (@mama_mi_chita) го започнаа книжевниот подкаст ЧИТКАСТ.
Во првата епизода низ игрив дијалог се покриваат куп теми, меѓу кои: Книга, киндл или аудиокнига?; Три книги со најголемо влијание на нивните животи; Една книга што би ја спасиле при пожар; Како бираат што читаат? итн.
Данскиот музички состав ЕФТЕРКЛАНГ ќе оджи концерт на отворено во културниот центар Паблик рум на 1 мај. Настанот, кој е замислен како “пикник – концерт” ќе започне во 14 часот.
ЕФТЕРКЛАНГ е дански бенд составен од три пријатели од детство, Мадс Браусер, Каспер Клаусен и Расмус Столберг. На 27 септември 2024 година го објавија нивниот 7 студиски албум насловен како “Things We Have In Common” со што ја започнаа својата светска турнеја.
Документарниот филм, “Efterklang: The Makedonium Band” (за кого во Букбокс пишувавме тука) беше премиерно прикажан во рамки на фестивалот “CPH:DOX” во Копенгахен, додека домашната премиера се реализираше во рамките на минатогодишниот филмски фестивал Синедејс.
