• Фестивалот за европски авторски анимирани филмови „Флипбук“ ќе се одржи од 10 до 13 август 2023 година, во летното кино на Кинотеката на Македонија, во знакот на чествувањето на 100-годишнината од раѓањето на македонскиот поет Ацо Шопов. Проекциите се бесплатни.
• Фестивалот ќе биде отворен со премиерата на четири анимирани омнибус филмови инспирирани од творештвото на Шопов, во режија на Иван Ивановски, Крсте Господиновски, Владимир Лукаш и Жарко Иванов. Во другите три вечери ќе бидат прикажани близу 100 филмови во четири натпреварувачки програми и панорама на европски анимиран филм.
• Во главната селекција за најдобар анимиран филм ќе се натпреваруваат 14 наслови, најдобрите европски остварувања од минатата година. Награди ќе се доделат и за најдобар студентски анимиран филм, анимиран документарен филм и анимирани музички спотови.
• За време на фестивалот ќе бидат претставени изложби на цртежи и колажи од анимирани филмови и флип-бук тетратки изработени од учениците во средното уметничко училиште „Лазар Личеноски“.

Целосната програма по денови тука