Bookbox › Набрзинка

Епидемиологија на Џејмс Бонд

27 октомври 2021

Вутер Грауманс, докторанд на медицински факултет во Холандија, одлучил од епидемиолошки аспект да ги анализира сите 25 Бонд филмови од 1962-2021.
Резултатот е статија во стручното списание „Медицина на патувањата и заразните болести“. Таа ги истражува ризиците на кои е изложен Бонд во текот на неговите глобални патувања, од патогени во храна до паразити и крлежи, мамурлаци и дехидратација, како и сексуално преносливите болести.
Сексуалните партнери се всушност и најголемиот ризик по здравјето на 007: 27,1% умреле кратко време по сексуалниот чин.

извор

Фестивал за литература и општа култура „Видик“ бр. 2

31 март 2025

Второто издание на фестивалот за литература и општа култура „Видик“ ќе се одржи од 2 до 16 април 2025 во организација на „Литература.мк“. Тој се отвора во среда (2 април) во 19 часот во книжарницата во Дајмонд мол со промоција на новиот роман „Три Марии“ на Оливера Ќорверзироска. Следат 15 уникатни настани кои се спој на литература, музика, театар, дизајн и филм.
Средствата од продадените билети за музичките и театарските настани ќе бидат донирани за настраданите во несреќата во Кочани.
Присуството на музичките и на театарските настани е со влезници и со резервации на 070 391 100.
Повеќе детали за целосната програма тука

извор

Востановена награда „Оливера Николова“ за најдобар необјавен роман за деца

11 март 2025

На 11 март, денот на раѓањето на Оливера Николова, издавачката куќа „Арс Ламина“ ја востанови наградата „Оливера Николова“ за најдобар необјавен роман за деца и млади. Таа ќе се доделува секоја година на 11 март, а првиот конкурс се отвора денес и трае до 11 јуни 2025 година (други детали на линкот).
На прес-конференцијата што денеска се одржа во „Литература.мк“, во „Дајмонд мол“ се обратија Бранка Бугариска (директорка на издаваштво во „Арс Ламина“) и членовите на жирито за наградата „Оливера Николова“ за 2025 година: Оливера Ќорвезироска (уредничка и писателка), Весна Мојсова-Чепишевска (универзитетска професорка) и Јагода Михајловска-Георгиева (писателка).
Мисијата на наградата е двојна: да се одржи континуитет на големото авторско име на Оливера Николова со симболично творечко надоврзување на нејзината бележита трага во современата македонска книжевност, како и да се ревитализира еден од жанровите во кои создаваше Николова – романот за деца и млади.

извор