Косовскиот претседател и тазе осомничен воен злосторник има една ПР биографија напишана пред две години од британскиот новинар Роџер Бојес (уредник на Лондон Тајмс) и Сузи Јагер, со помпезен наслов „Нова држава, модерен државник“.
Како што е ред, на задната корица има пар ударни и промотивни цитати за темата од битни фаци. Во оваа прилика ќе кажат:
„Хашим Тачи е Џорџ Вашингтон за Косово“
Џо Бајден, американски потпретседател (2009-2017) и претседателски кандидат (2020)
"Од пасиониран студент, преку командант на парталавата армија на УЧК, до премиер и претседател на неговата земја, патешествието на Хашим Тачи беше полно со настани и повремено контроверзно. Но, денешно Косово е жив сведок на искреноста на овој инспиративен лидер на мала земја која има не само богато минато туку и надежна иднина".
Лорд Џорџ Роберстон, баронот од Порт Елен, британски министер за одбрана (1997-1997) и генерален секретар на НАТО (1993-2003)
„Уште за време на конференцијата во Рамбује реков дека Хашим Тачи е роден политичар. Неговите ангажмани за време на војната и после неа само ја засилија мојата верба во неговите политички капацитети. Верувам во неговата визија, визија која му недостасуваше на Косово“.
Медлин Олбрајт, американски државен секретар (1997-2001)
„Хашим Тачи испиша важно поглавје во модерната европска историја преку два големи настана: водејќи го Косово кон декларацијата за независност и, пет години подоцна, историскиот договор меѓу Косово и Србија за нормализирање на односите меѓу двата соседа“.
Волфганг Петрич, специјален пратеник на ЕУ за Косово (1998-1999) и висок претставник за Босна и Херцеговина.
******
