Прво и основно, ќе го нема норвешкото чудо кое растура за Сити, бидејќи Норвешка не се пласираше, а со истата судбина се соочува и еден Салах. Малер ги стегна повредените Канте, Погба и Жота, а звучни имиња како Де Хеа и Фирмино не добија шанса. Тимов вреди скоро 500 милиони евра.

Секој ден по некој селектор го соопштува официјалниот список на играчи за Светското кое стартува следниот петок. Да ги видиме Италијанците.

Роден е 2004-та во Египет, син на имигранти од Јужен Судан. Го посвои Австралија, а солидарноста на луѓето таму му дозволи и да игра и да блесне. Никогаш не е стартер, туку влегува и го менува текот на натпреварите. Тоа го забележаа и Чави и Њукасл.

Седум години откако е суспендиран поради корупција во ФИФА да не може да се бави со фудбал до 2027-ма, 86 годишниот деспот кој пет мандати беше недопирлив на најслатката фудбалска фотеља на планетата, реши да гукне нешто за најконтроверзниото Светско првенство. 12 години по изборот и 12 дена пред стартот, призна дека целата работа околу домаќинот е промашена и наместена.

Поетот од коментаторското столче кој 42 години царуваше во спортскиот етер и во стил на шаховски мајстор ја водеше публиката во преку 2.100 преноси во разни спортови, реши да ни го направи Светското уште поинтересно.

Дечки ситно броиме готово. Дојде и тоа чудо. Светско во Катар. Стартува за 18 дена со домаќинот кој отвора против Еквадор на 20 ноември во 19:00. Веќе следниот ден ладете пиво за три утакмици. Бранител на титулата Франција. Италија ќе го гледа од дома поради Александар Трајковски. Одиме со интро.

Во очи на најконтроверзниот Мундијал кој стартува на 20 ноември, Нетфликс најавува јак документарец за корумпираната ФИФА и недопирливиот Сеп Блатер кој 17 години беше бетониран на челната позиција, а потоа суспендиран до 2027-ма.

И поркрај сите апели, критики, загрижености и новинарски стории, контроверзниот домаќин на Светското кое ќе се игра следнава зима, тера по старо.

Мундијалот во Катар е закажан за 21 ноември - 18 декември 2022. Следната зима да може да бирате, би одбрале да одите по слави или тука?

Имаме ние уште материјал од Палермо, не бевме таму на бањање. Абе во секој ќош прават фешта. Тоа им е во крвта на Италијанците, плус со фудбалот атмосферата беше на уште повисок левел. Ако го гледавте видеото со моторџијата кој влета со македонската химна, а потоа на репертоарот беше и „Жаклина“, сега преминете на следниот клип на денот на одигрувањето на мечот. Немаат цена ваквите ќеифови.

Елиф, Енис, Даре, Боби и Џани на излез од стадион. Славете јунаци.

Речиси 90 минути се браневме, што е разбирливо, бидејќи противникот се вика Италија, четирикратен светски и актуелен европски првак кој не смееше да си дозволи ваков кикс од гигантски размери. Пропушта два Мундијали во низа, а Манчини изјави дека целта е да го освојат. Судиското продолжение ни донесе неверна сцена во Палермо. Морници и тресење од возбуда. Уживајте.

Интонирањето на двете химни дадоа прекрасен вовед во спектаклот на Ренцо Барбера кој крца до крај. Македонската химна мина низ свирежи од навивачите, но секоја чест за италијанските новинари кои се обидоа да ги покријат со аплаузи.

Во земјата на пицата и тестенините, македонските навивачи синоќа најдоа катче по свој мерак со скара и евтино пиво. На менито имаше и македонски песни, а во еден момент забавата стана уште полуда откако се појави таксист на кој му се испентарија и моторџија кој беше спремен со македонската химна, рокната на звучници. Јака забава падна, на која се воодушевија и полицајци кои кога поминаа стегнаа лајк со прстот.

Коруптивно до даска, за што призна и самиот Сеп Блатер, плус со нечовечно и дрско изживување врз илјадници работници кои починаа во голема бројка градејќи ги стадионите. Ама ене го ќе се игра, ова време следната година. Само да пазиме како ќе известуваме, да не почнат и од дома да не вадат со лисици, додека го гледаме со чварки и туршија.

Македонија го совлада Исланд со 3-1 и како втора зад Германија заврши во групата, што значи дека ќе игра во бараж/плејоф за пласман на Светско. На „Градски“ во Скопје многу убави моменти, пароли, банери, знамиња, песна.

Италијанската фудбалска репрезентација очигледно уште е под импресии од освоеното злато и шампионски пехар на Европско првенство летово, па не победија на два меча по ред во квалификации за Светско 2022 и тоа против Бугарија дома само 1:1 и со Швајцарија на гости 0:0. Ама во Базел еден навивач извади јака парола.

Викинзите од Шведска веќе по којзнае кој пат се покажуваат како тврд орев за фудбалската репрезентација на Шпанија. Во четвртокот вечер во Стокхолм домаќинот славеше 2-1 и прекина една децениска серија на „фуријата“.
 

Во пресрет на дуелот Шведска - Шпанија од квалификациите за Светско првенство 2022, шпанскиот селектор Луис Енрике дошол на прес-конференција. Правилникот вика дека новинар прашува, селектор одговара, па преведувач преведува и прашање и одговор. Ама аргентинскиов преведувач запна па запна да упаѓа во збор.

Украина бележи драстичен пад на форма по Европското првенство. Синоќа во квалификации за Светско 2022, против Казахстан на гости водеа 1-2 во длабоко судиско продолжение, но во последни секунди од мечот домаќинот израмни. Ама само да го видите голов на Јаремчук за 0-1.

Годишниот финансиски извештај на ФИФА открива дека приходите од Мундијалот 2022 во Катар би можеле да достигнат над 3 милијарди фунти, најмногу досега од едно Светско првенство.

Фудбалската јавност не би требало да биде неспремна за бранот американски бисери кои во најскоро време би можеле да блеснат на големите натпреварувања.