Ни Копола, ни Скорсезе, ни Тарантино ни Кјубрик не би можеле полудо да го изрежираат она што се случуваше вечерва на Мундијалот во Катар. Во група каде апсолутни фаворити по многу параметри беа Шпанија и Германија, изненади Јапонија а за малку и Костарика.

Да, и вакви работи се можни на монтажа, само треба да те бива.

Селекцијата на Србија за Катар замина со големи амбиции, но се наоѓа во проблеми, бидејќи има пораз од Бразил и реми со Камерун, како и ровити фудбалери.

Тој е поранешен фудбалер на неколку екипи како Три Чешми и Плачковица, како и прв новинар кој добил интервју од Христо Стоичков на враќање од СП САД 1994 и тоа во авион, кога Бугарите стигнаа до полуфинале.

Мексико синоќа ја совлада Саудиска Арабија, ама не оди во осминафинале поради подобрата гол разлика на Полска, која тиња фудбал играше против Аргентина, цели 90 минути. Мексиканецов има потполно право да биде во вакво расположение.

Во Катар станува сè позабавно и не можеш да познаеш кој е кој.

Во пресрет на клучниот дуел на Србија против Швајцарија кој се игра во петок од 20 часот, во Србија на големо се зборува за љубови афери на фудбалерите. Најспоменуван е Душан Влаховиќ кој наводно спиел со сопругата на голманот Предраг Рајковиќ. Шпицот на Јуве ги демантираше муабетите и рече дека најголем проблем е што тие луѓе во моментов работат спротивно на интересите на репрезентацијата.

Акробацијата на Ришарлисон, лобот на Абубакар, слободниот удар на Рашфорд. На овие топ 3 најјаки голчишта во Катар, вечерва им се придружува и Луис Чавез.

Мундијалот во Катар носи сè повеќе трилер завршници. Аргентина ја совлада Полска, која едвај куртули и избегна елиминација и покрај поразот и победата на Мексико против Саудиска Арабија. Секунди беа во прашање кога ќе се броеше кој ќе стане осминафиналист со помалку жолти картони. Шчесни му одбрани пенал на Меси.

По неочекуваните порази на Аргентина и Германија, совладана е уште една голема селекција која е фаворит за златото. Селекцијата на Тунис направи сензација против Франција која истрча со втор тим, а на Гризман му поништија гол со ВАР во 98-ма минута. Победата е пирова, бидејќи Австралија победи против Данска за пласман во топ 16.

И покрај строгите безбедносни мерки на стадионите, царот влезе без некаква акдредитација или пропусница и успеа да ги убеди на врата дека е Нејмар, а потоа фати да се слика со луѓе. Никој не го позна дека е фејк. Плукнат е на бразилската ѕвезда. Копија.

А сега, за следниот пранк ти ќе одиш на костозглобно.

Стадионот е направен од 974 модифицирани транспортни рециклирачки контејнери кои се сместени во челичната рамка. Неговиот начин на изградба и структура го прават уште по уникатен, а тоа е можноста за негово трансформирање и преселба во друга земја во светот како дел од т.н. грижа за зелена околина и ефикасна потрошувачка на енергија.

Во мечот меѓу двете земји кои е познато дека не се во добри односи, фудбалерите со убав пример за светот во овие турбулентни времиња. Ентони Робинсон се обидува да го смири Рамин Резаијан после елиминацијата на Иран од САД.

„Не ги знаеме играчите, туку само навиваме за Хрватска“ е од прилика богатата анкета со „навивачите“ на Хрватска.

Македонскиот новинар во подкастот „Тоа е фудбалот“ ги пофали домаќините за организацијата на Светското. Катарците купиле 3.000 автобуси за пренос на 20.000 новинари. Ангажирале 5.000 турски полицајци и 200 припадници на елитните полициски сили на Франција. Проблем вели дека се строгите контроли на стадион поради кои многу бавно се влегува, како и ниските температури.

Секој со своето. Браво цареви, добра забава е ова. Возете си го филмот, Светско е.

Изненадени од резултатот 3:3, особено од пресвртите, по што следуваше читање изјави и анализи, кој, каде и зошто погреши за така лесно Србија да потклекне, како да не обрнавме доволно внимание на велемајсторскиот камерунски потег. Кој е момаков и каде играл до сега?

Легендарниот Роналдо кој се наоѓа во Катар, му правеше интервју на сонародникот Родриго. Секој сака да ги има нозете на незаменливата 9-ка кој играше три мундијалски финалиња по ред и се радуваше на трофејот во 1994-та и 2002-ра.

Во 50’ минута од големото дерби Португалија - Уругвај (2:0) лик втрчува на терен и го прекинува мечот. На себе носи парола Спасете ја Украина, мавта со ЛГБТ знаме и на задниот дел од маицата му пишува Респект за иранската жена. Право чудо е како немаше уште некое светско нерешливо прашање на себе.

Со двата гола на Бруно Фернандеш од кои еден од пенал, Португалија заедно со Франција и Бразил стана трета селекција со 6 бода, а воедно и трет осминафиналист на Мундијалот. Мангупско додавање на Кристијано по кое паднеше гол, ќе паднеше и нетот.

Јужна Кореја загуби 3:2 од Гана и е пред елиминација на Светското во Катар. Интересна случка уловија камерите на крајот. Еден од помошниците на селекторот на Гана правеше селфи со ѕвездата на Тотенхем, Мин Сон кој беше во очај после поразот.

Селекцијата на Швајцарија 83 минути се држеше против силниот состав на Бразил, кој слави минимална победа и пласман во осминафинале, благодарение на прекрасниот потег на Каземиро.

После сите големи очекувања, српската фудбалска јавноста е бесна поради првите две изданија на Србија на Мундијалот, особено денешното по кое им се заканува испаѓање уште во групна фаза. Најострата критика пристигна од студиото на РТС.