Фудбалот и спортот воопшто се режисери на многу фини приказни. Викендов видовме две бајки, едната во Лондон, другата во Торино. Заедничко и за двете е што во главни улоги се голмани.

На прв поглед делува драконска казна, но ако се има предвид дека најверојатно станува збор за 2 неделна плата за многумина од казнетите играчи, тогаш полесно ќе им биде кога ќе ја видат сметката во банка.

Најдобриот егзекутор во Серија А е типичен пример како за секој човек има место, само треба да си го најде. А Чиро го најде на стадионот „Олимпико“ каде за некое време би можел да стане прв стрелец на вечната листа.

Пар британски ентузијасти во ’90-те години, во најубавото време по италијанскиот фудбал, прават емисија за Серија А. И еднаш го викаат пред камера Атилио Ломбардо, легендарната ќелавица на калчото.

Фудбалерите на Интер губеа 0-1 дома од Верона до 65' минута кога Весино израмни на 1-1, а во 83' минута еуфорична експлозија на „Џузепе Меаца“. Николо Барела, репрезентативецот на Италија донесе 3 бода.

И покрај тоа што летово на сите ѕвона најавуваа битка за скудетото со нов, освежен состав, Наполитанците веќе заостануваат сериозно зад директните конкуренти за титулата, а кризата ја продлабочи одлуката за карантин на претседатлот и бојкотот на играчите.

Некогаш не помагаат ни 19 камери, ни ВАР, ни четворица судии, ни делегат. Секој тера на своја воденица. После бурните реакции од Неапол за недосудениот пенал врз Љоренте на мечот со Аталанта при резултат 2:2, а досудениот за Роналдо во 90-та минута при резултат 1-1, сега се огласија од Торино.

Фудбалерите на Лацио со 4-0 го потопија Торино и ја продолжија добрата серија без пораз. Во првите 25 минути „бјанкочелестите“ кружеа околу противничкиот гол, па на Ачерби како да му збогтиса и реши да распали со левицата од 35-36 метри.

Во рамки на меѓунеделното коло од Серија А, Интер со головите на Лаутаро Мартинез во 23’ и Ромелу Лукаку во 63’ ја совлада Бреша на гости, а тренерот Конте се радуваше како блесав.

Амад Траоре во јули годинава наполнил 17 години, а викендов стана првиот фудбалер роден во 2002 година кој дал гол во Серија А. Дебитираше во историската победа на Аталанта од 7-1 над Удинезе и 6 минути откако влезе во игра даде гол. А брат му Хамед Џуниор Траоре игра за Сасуоло како позајмен играч од Емполи. За него сериозно е заинтересиран Јувентус.

Џенова со 3-1 ја совлада Бреша после пресврт. Интересно, новиот тренер на Џенова, некогашниот европски шампион со Интер, Тијаго Мота направи три измени во вториот дел (Агудело, Куаме и Пандев влегоа во игра) и сите тројца постигнаа по гол. Гоче ја запечати победата со ремек дело.

Имаше Интер 6/6 во Серија А, пред да дојде актуелниот шампион и со 1-2 да триумфира пред повеќе од 60.000 луѓе на „Џузепе Меаца“. Резултатот го отвори Дибала, израмни Лаутаро од пенал, за Игуаин кој влезе од клупата да го реши мечот.

Кулушевски е роден во Стокхолм на 25 април 2000 година. Има потекло од Македонија. Настапи на 2 меча за нашата репрезентација до 16 години и постигна 3 гола. Подоцна ФФМ проба да го разубеди во намерата да не игра за Шведска и да заигра за земјата на неговите родители (дури и Пандев му прати потпишан дрес), но тој реши да го носи дресот на Швеѓаните (веќе има пар настапи за У21).

Лучано Пасирани, возрасен човек, децениски спортски новинар во Италија. По почетниот скандал во Каљари каде гомила идиоти му „букаа“ на Лукаку со мајмунски крици, се крена голема врева во Италија. Таман се стиши, сега се појави овој стар морон кој во студио почна на сите ѕвона да го фали Белгиецот Ромелу Лукаку дека е најдобро засилување во Серија А, дека не видел таков играч во Италија досега, и во еден момент (34-та секунда) рече: „Еден на еден те убива, те убива. Ти требаат десет банани за да го сопреш, толку е добар“.

Во 2013-та на Франческо Ачерби му дијагностицирале рак на тестисите. Стоперот бил на операција, но после една година се случил рецидив, односно болеста се повратила. Решил да се бори храбро и еве го стана стандарден репрезентативец на Италија.

На 2 септември заврши летниот преоден рок кој остави силен белег во Серија А. На чизмата слетаа јаки фаци кои се очекува да го подигнат квалитетот на италијанскиот фудбал, како и да го зголемат интересот.

А на „Меаца“ дојдоа еден куп нови играчи и тоа звучни имиња како Ромелу Лукаку и Алексис Санчез, два светски напаѓачи кои стигнаа од најсилната лига на светот. Тифозите на Интер сметаат дека тренерот е најзвучно засилување. Еве и зошто.

Италијанскиот фудбал никако да раскрсти со расизмот и фашизмот кои цутат на некои трибини. Англичаните тоа го решваат по брза постапка, како во примерот со Стерлинг кога морони навивачи на Челси испуштаа мајмунски крици, на крај беа откриени и им беше изречена доживотна забрана за влез на стадионот. Во Италија од година во година расизмот е како добро утро. Особено во Каљари каде досега беа навредувани Мунтари, Матуиди и Мојзе Кеан.

Ако Серија А сезонава биде како дербито Јуве - Наполи на кое паднаа дури 7 гола, тогаш ќе гледаме неверојатен фудбал. Шампионот со головите на дебитантот Данило, Игуаин и Кристијано Роналдо водеше 3-0 после 62' минути игра и кога сите мислеа дека е готово, Наполи во рок од само 15 минути се врати на 3-3 преку новите засилувања Костас Манолас, Ирвинг Лозано и Џовани ди Лоренцо. На крај лудница во судиско продолжение.

Антонио Конте ја запали машината. Интер со 4:0 го прегази Лече во последниот меч од првото коло на новата Серија А. Меѓу стрелците беше и Ромелу Лукаку кој постигна гол на дебито, а играч на мечот беше ветеранот Кандрева.

Мотивиран од Википедијата во тефтер направена оригинално и ракописно, добивме уште еден мејл од читател кој поседува нешто слично, ама многу помалку макотрпно за одржување. Тука практично се ти е на тацна и треба само да пополнуваш.

Тезата дека кога нема светско или европско, нема фудбал цело лето е погрешна. Како нема, кога не овој, следниот викенд ќе се најдеме во кладилница. Стартуваат англиско и француско. Прво коло: Манчестер Јунајтед - Челси. Па па па.

Кога пред две години Мауро Икарди две илјади пати го прашаа за Реал Мадрид, тој одговори дека ќе остане во Интер додека не го избркаат на сила. Тогаш делуваше смешно, но денес е јасно дека попрво Занети ќе отиде во Јувентус отколку Икарди да добие нов договор.

Излезе календарот за италијанскиот фудбалски шампионат кој го чекавме со душа, бидејќи ќе ги следиме настапите на тројца македонски репрезентативци. Мора уште на старт да бидат тип топ спремни бидејќи ги чекаат заебани битки.