Ману Џинобили кој тежи 4 НБА титули, титула во Евролига и златен медал на Олимпијада, за настапот на словенечкиот феномен против неговата Аргентина напиша: Страшна доминација на Дончиќ. Ѕвер.

Лука Дончиќ блескаше цела сезона а најмногу кога беше најпотребно и ја поведе Словенија во голема победа против Литванија на гости за пласман на ЛОИ 2021 во Токио. Лука на прес-конференцијата не можеше да се сети на еден збор на словенечки па продолжи како знае.

Кошаркарската репрезентација на Словенија ќе дебитира на Летните олимписки игри, а најголемите заслуги за тоа одат кај Лука Дончиќ. Ѕвездата на Далас експлодираше со брилијантна партија и прв трипл дабл за националниот тим против Литванија вреден пласман во Токио.

Еден од најдобрите светски кошаркари на денешницата добил фантастична понуда за нов договор за да остане во Маверикс во следните неколку години, а во меѓувреме се враќа во Словенија.

Еден од двајцата највисоки кошаркари во цела НБА, Бобан Марјановиќ доби дваесетина минути во триумфот на Далас Маверикс над ЛА Клиперс 105:100 во „Стејплс Центар“ каде Дончиќ блесна со 42 поени. Мавси водат 3:2 а Бобан на овој дуел си поигруваше со ривалите ко со деца.

Кошаркарите на Далас Маверикс по трет пат во плејоф серијата го победија фаворитот ЛА Клиперс, овојпат со резултат 105:100 и сега водат 3:2 во 1. коло.

Лука Дончиќ одигра нов блескав меч во НБА плејофот каде формата му е во уште понагорна форма од она што го прикажуваше во регуларниот дел. Репрезентативецот на Словенија на мечот кој неговиот Далас го изгуби од ЛА Клиперс 118:108, постигна 44 поени со 9 скока и 9 асистенции. Имаше 7 тројки од 13 обиди.

И покрај тоа што цела сезона играа по принципот топло-ладно, кошаркарите на Далас Маверикс направија голем подвиг и после 2 меча во плејофот против ЛА Клиперс веќе имаат 2-0 и тоа среде Лос Анџелес.

Далас убедливо со 124:97 го смачка Кливленд Кавалирс и стигна до 40. победа во регуларната сезона. Мечот остана во сенка на исклучувањето на Лука Дончиќ кој не издржа провокации од ривалот Сакстон и со тупаница го удри под појасот и го турна.

Нема, со Лука не можеш да садиш краставици, па дури и да се викаш Кевин Дурент со 10 години повеќе во газот. Колку само лесно си го изработи.

Бруклин Нетс од „нигде-никаде“ среде сезона направи страшен состав кој треба да конкурира за титулата. Кевин Дурент, Блејк Грифин, Кајри Ирвинг и Џејмс Харден ќе го напаѓаат пехарот, ама како стојат работите формата им е во надолна линија. Далас Мавс им го нанесе четвртиот пораз во низа 113-109.

Далас Маверикс е на добар пат да го осигура местото во плејофот откако синоќа со 127-113 го доби Мајами Хит. Тим Хардавеј Џр даде 36 поени со 4 скока и 1 асистенција а Лука Дончиќ имаше 23 поени, 12 скока, 8 асистенции и неколку луди потези.

Атмосфера во „Американ ерлајнс центарот“ пред мечот Далас - Сакраменто. Е ај погодете од прва кој нарачува вакви песни.

Обично е смирен и насмеан и ретко да го видиме нервозен за време на утакмица. Но ете и на Дончиќ знае да му дојде преку дур па да му се сипе на судијата со српски пцовки кои ќе му ги прочитате од усни. Инаку ги реши и Лејкерски.

Еднаш проба нешто да му каже на Јокиќ на српски, па му излезе руски зборот, а сега во обид да му рече на Лука „пријатно“, сурфаше на телефонот да види како треба и пак ја утна, а Дончиќ се изнасмеа. Адижо му рече :).

За него најнормална работа е трипл дабл, ама сега не зборуваме за кошаркарски натпревар, туку за загревање пред натпревар на кое прави мешавина од два спортови. Него кажете ова дали е нормално? И како е можно да не ја допре таблата од тој агол?

Екипата на Јута е најдобра во цела НБА лига во моментов. Џезерите имаа дури 9 победи по ред, ама Далас Маверикс предводен од Дончиќ им ја прекина серијата.

Ден до два поминуваат меѓу една и друга нова блескава партија на словенечкото мајсториште за баскет. Новата жртва е Портланд која Далас ја совлада со 125:119, а Лука повторно на многу високо ниво со 38 поени, 9 скока и 9 асистенции. Имаме две јаки аситенции од кои првата не можеш да му ја предвидиш.

Со тројки од тешки позиции, со влезови под кош, лажни очи, разни финти. На репертоарот на Лука Дончиќ синоќа имаше сè и сешто, а неговата блескава партија по кој знае кој пат сезонава, придонесе неговиот тим да победи со 16 разлика.

Како тоа одиш на влез, а чуварот те брка свртен со грб како на мајтап? Ете вака, како Лука Дончиќ кој го збуни противникот да не погоди на положување под кош. Шоу на Лука на еден поинаков начин.

Во првиот меч како 22-годишен откако прослави роденден во неделата, Лука Дончиќ уфрли 33 поени со 10 скока и 9 асистенции во победата на Далас Маверикс над Орландо Меџик 130-124. Лука имаше и пар луцидни додавања.

Американците со децении негуваат посебен однос кон колекционерство на картички со потпис од познати бејзбол играчи, кошаркари, фудбалери, рагбисти. Една таква картичка со потпис од Дончиќ продадена за страшна сума.

Секоја критика за неговата игра на почетокот од кариерата во НБА паѓа во вода. Има само 21 година, а веќе е претворен во кошаркар со убиствен финиш, тема од која НБА лигата успеа да направи компилација, мислиш десетта сезона му е ова.

Лука Дончиќ по којзнае кој пат покажа зошто го вбројуваат во редот на најдобрите кошаркари на светот и зошто ќе игра на Ол Стар мечот во НБА. Словенецот во триумфот на неговиот Далас Маверикс 110-107 против Бостон постигна 31 поен, 10 скока и 8 асистенции. Даде 6/8 за три од кои две во последните 15 секунди за конечна победа.