Од прославата со трите јубилеи во едно, 20 години Лолај Фанс, 10 години братство со Војдови и 5 години Комити Маџари, кои ги прославија на дербито против Шкендија, Комити извадија ново парче видео. Овој пат во главна улога е млада навивачка на Вардар по име Фросина Пепоска која растури под Запад.

Се следат, се поштуваат и се бодрат едни со други. Пријателството меѓу навивачите на Шалке и Вардар трае 15 години, а германските ултраси овој пат на средбата против Ајнтрахт Франкфурт со голем транспарент им го честитаа 20 годишниот јубилеј на Лојан Фанс.

Во недела од 13:00 часот се игра големото дерби во македонската прва лига меѓу Вардар и Шкендија. Скопскиот тим игра одлична полусезона и им бега на Тетовци 8 бода пред крајот на есенската полусезона. Комитите спремаат прослава на неколку јубилеи.

Денес меѓу навивачите секој си толкува како што му одговара, па така оние на чаирска Слога прославија јубилеј од 30 години од своето основање (веројатно кога првпат го виделе стадионот, затоа што јубилеј се слави кога првпат си започнал со организирано навивање а тоа подразбира сè што подразбира, не грицкање семки).

2018/2019 не само што е сезона на РК Вардар, туку и на неговите навивачи за чија поддршка се знае и зборува од Скопје до Келн. Случајно налетавме на кусо видео од Јане Сандански кое трае половина минута и кое не врати на 2 јуни. Па како после да не падне секој тим во оваа сала со ваква публика.

На 13. јуни 1993 година под „Тумбе Кафе“ во Битола требаше да се одигра големото дерби меѓу ривалите од Битола и Скопје. Поради нереди на навивачите и влегување на терен, мечот воопшто не се одигра. Кога ќе види човек колку луѓе имало тогаш на стадион, а колку денес, се прашува каде ја утнавме работата.

Кога европскиот првак ќе се појави на бина и кога црвено црната армија на навивачи ќе еруптира тоа звучи вака:

Станува збор за еврејска љубовна песна која што првпат е изведена во 1955 година од Миријам Авигал. Мелосот станал толку популарен што оваа песна брзо се проширила на многу страни по светот.

Околу 2.000 навивачи на германскиот бундеслигаш допатуваа во Манчестер за реваншот од осминафиналето од Лига на шампиони против Сити на Гвардиола. За време на кортеото до стадионот, навивачите на Шалке скандираа „Гелзенкирхен - Скопје“ во чест на пријателството со навивачите на Вардар.

По 10 дена борба за живот, почина 20 годишниот Никола Саздовски. Случајот има навивачки призвук. Жртвата е член на Комити, а убијците на Шверцери. Да се немало крај од овие говнарии на етничка основа. Од една расправија на Фејсбук, се дрзнаа живот на млад човек да одземат.

Не треба ЕХФ да ни потврди, си знаеме ние, ама ете и европската куќа на ракометот ја препознава страста за ракомет во Македонија. 6.500 луѓе беа задолжени за ерупција на вулканот во Јане Сандански. РК Вардар со помош на својот осми играч повторно е во друштво на најдобрите 4 екипи на континентот.

Бобан Грнчаров во капитенски стил отиде во болницата за да го посети тинејџерот кој беше избоден со нож. Комити му пееја под балкон и собираа донации за него.

Во текот на вчерашниот ден се појави веста за драматичен напад во строгиот центар на Скопје, кај ’Рекорд’ каде што неколку млади луѓе нападнале 16-годишно момче и со нож му нанеле повреди. Станува збор за навивачка пресметка со меѓу-етнички призвук.

Кога еден клуб е закован за дното, бележи слаби резултати, се бори за опстанок и на крај дури испаѓа од лига, навивачите со право бараат оставки од управата, бараат играчите да си одат, а претходно да ги соблечат дресовите зошто не се достојни да ги носат.

Најдобрата сезона на Вардар на европска сцена полека доаѓа до самиот крај. Одисејата низ континентот завршува во Скопје, во четврток против Розенборг а Комити имаат посебна желба.

За време на дербито меѓу Шкупи и Вардар кое Чаирчани го добија 2-0 со два маестрални гола, домашните навивачи извадија парола како одговор на Комитите од пред некој ден.

На првиот меч од осминафиналето на Купот на Македонија Вардар и Шкупи одиграа 1-1 во Ѓорче. Времето дожлдиво, фудбалот стандардно слаб, трибините полупразни и само еден интересен детал.

Со пласманот во Лига Европа, Вардар оствари историски успех и собра големо искуство на меѓународната сцена. Паралелно со нив историја испишаа и нивните најверни поддржувачи кои се клацкаа најдолго од сите во конкуренција на навивачи на 48 клубови учесници.

Комити се формирани на 4 јуни 1987-ма, а на 4 јуни 2017-та РК Вардар се вивна највисоко на европското небо. Сезонава за нив е историска од многу причини. РК Вардар стана европски првак, ФК Вардар влезе во групи во ЛЕ. Додека нивниот клуб прославува 70 години постоење, тие имаат јубилеј од 30 години.

Имаме три историски видеа за гледање со Комитите од почетокот на 90-те, од едно друго време и со други ликови кои ги удрија темелите на западната трибина. Пејат слични и некои исти навивачки песни, но создаваат многу пожестока атмосфера и се многу побројни во времето кога фудбалот имаше поголем квалитет и жар.

Вечното дерби на македонскиот фудбал пак беше како во некои поубави времиња - многу пиротехника, вербални поштапалици, гостинска публика која касни пола саат зошто не ги пуштаат на време, фантастично корео на Комити и една досетлива парола од Битолчани по повод 30-от роденден на домаќинот.

Најверната навивачка група на Вардар приреди незаборавно роденденско шоу, а дел од големата прослава беа и момците на Некс Тајм, кои испеаа преработки од два стари изворни македонски хитови. Комитите грмеа заедно со нив како во хор.

Најверните навивачи на Вардар прославија два јубилејни родендени кои долго ќе се раскажуваат. Ја запалија западната трибина со бакљада каква што немало со години на македонската тифо сцена, а Вардарци им возвратија со победа во вечното дерби против Пелистер.