Кинескиот и канадскиот претседател некогаш нешто разговарале и цел муабет протекол до медиумите, и тоа сигурно не од кинеска страна. На самитот во Бали, на разминување, Ши малку го застана Трудо да го пее.

Тој што ништо не му е смешно е Клаус Шваб првиот човек на Светскиот економски форум, до него е британскиот премиер Риши Сунак, па канадскиот претседател Џастин Трудо, па непознат учесник и на крај е првиот човек на ФИФА, Џовани Инфантино.

Без разлика што Путин остана по дома, присуството на рускиот министер за надворешни работи, Сергеј Лавров, на самитот во Индонезија, е доволно за светските лидери да одбијат „семејна“ фотографија од годинешниот самит на Г20.

Доколку се појави таму, самитот на Г20 во Индонезија ќе биде првото излегување на Путин од Русија (и екс-СССР) од почетокот на војната, и на страна агендите, главна преокупација на луѓето на Бајден е по никоја цена нивниот претседател да не се сретне со рускиот, ниту да се размине.

Групата 20 најбогати држави на светот на минимум ги снижи своите амбиции за откажување од јагленот и наместо тоа си дадоа рака за еден далеку понеамбициозен план кој само ќе им забрани на владите да финансираат странски електрани што работат на јаглен.

Не може да се збори кој и како од 20-те лидери вечерта во новата сала на филхармонијата во Хамбург го доживеал делото на Бетовен, ама може да се каже дека ова е веројатно првиот пат кога овие 20 луѓе беа на едно место и цел час (речиси) никој од нив не отвори уста.

Насловот на протестите во Хамбург на почетокот на Г20 самитот беше "Добредојдовте во пеколот", на него имаше 12.000 демонстранти и а во Хамбург имаше 20.000 полицајци.

На улица во Хамбург е збирштина од "анти сè", внатре на безбедно и под клима е збирштина од "како да направиме пари од сè". Темите и надвор и внатре се стандардни и веќе традиционални за овој настан. Разликата е што годинава баш на Хамбург му се падна да биде домаќин на сето ова.

Расипан телефон низата по која доаѓа информацијата е Москва > европско разузнавање > американски експерти > американски медиуми, а исходот е: Дејли бист пренесува дека американски експерт им пренел тврдење од европски функционери дека Москва очекува нивниот лидер да истресе купишта доверливи информации од Трамп.

Додека се спремаат за традиционалното насилство за време на самитот на Г20, германските власти паралелно направија список на телохранители на Ердоган кои во тоа време нема да смеат да припарат во Хамбург во каква било функција.