Светско освоија во 2003-та, Олимписки игри во 2004-та и двете со Лино, но тоа што им фали е токму златниот медал на едно Европско. Играа две финалиња во 2008-ма и 2010-та, а третата шанса ќе ја имаат утре против Шпанија. Полуфиналето против Норвежаните беше многу тешка пречка и затоа со право го слават.

Вујо како селектор ги однесе во полуфинале на Светско 2017, а на Европско до сама завршница стигнаа само во 2004-та и тоа до финале кое го загубија од Германија. Синоќа Португалија ја совлада Унгарија и ги направи Словенците полуфиналисти каде ќе се сретнат со Шпанија.

Норвешка го доби скандинавското дерби против Шведска, а лидер во тимот и еден од најдобрите играчите на ЕП е Сандер Сагосен кој е стрелец број со вкупно 42 гола до сега. Погледнете го овој проектил.

Сè уште е некако горчливо чувството од нашата нетипично куса и неуспешна авантура на едно Европско. Е вакви вкрстувања фалеа како ова на Германците кои синоќа ја совладаа Белорусија и демонстрираа моќна акција во која создадоа играч повеќе. Маестрално одиграно. Со мозок.

Ни жар како порано, ни борбеност, ни идеи во напад, ни вкрстувања, ни цепелини како што знаеа, ни одбрана освен со Чешка во прво. Ништо, ама баш ништо не видовме од онаа квалитетна, ценета и добро позната Македонија која редовно остава белег на големите натпреварувања. А па Брестовац?

Македонската спортска па и неспортска јавност не е навикната на волку лоша игра и рана елиминација на македонската ракометна репрезентација кога ќе дојде јануари. Затоа се наоѓа и по некој ваков кој гаѓал прецизно во левиот долен агол, па сега ќе треба да мења телевизор.

Есапот за денеска е јасен, само нели нашите не треба да го заебат. Со победа против домаќинот Австрија од два гола разлика одиме во следна фаза, без разлика од исходот на Чесите против Украина кои играат после нас од 20:30.

Дечкото е добитен, 100% добитен со фото и видео доказ, ама Европската куќа на ракометот направи несфатлива грешка на мечот Македонија - Украина. Не му го признаа четвртиот гол на Талески, а чист е. Кладилниците се водат по статистиките на ЕХФ и така махеров неправедно стана малер.

Македонската ракометна репрезентација со пораз го заврши второто коло на ЕП 2020 и со тоа си го искомпликува патот до следната фаза.

Да не бранеше Никола толку ѕверски тешко нас ќе беше против Украина. 34 годишниот голман на Еурофарм Пелистер кој лани се врати во својот роден град, синоќа блескаше, а ЕХФ една од неговите одбрани ја прогласи за втора најдобра на денот на ЕП 2020.

За првиов само небото е граница, а вториот ги пушти пипците и одигра блескава партија. Македонија ја победи Украина со звукот на сирената откако капитенот се крена од 9 метри и со дрзок шут го реши натпреварот. Не е нормален како го изведе тоа.

Германија ја делкасираше Холандија со 11 разлика на првиот ден од ЕП 2020, ама го декласираше и човекот кој е дојден да известува за нив. Арно ама репортерот излезе прав панцир и веднаш се врати на служба. 

Летонија дебитираше на првиот ден од Европското ракометно првенство против силната Шпанија од која загуби 11 разлика. Но без разлика на резултатот, признанието за најкорисен играч го доби џинот од Вардар кој го заврши мечот со 7 гола и 3 асистенции. Торпедово на Криштопанс само на забавена снимка може да се следи со голо око.

Освен што е за празничко уживање, месец јануари е задолжителен месец и за ракометно следење, бодрење, а понекогаш и нервирање со нашите. Додека ние правевме гезмиња, тие тренираа и се потеа за да го извадат најдоброто од себе. Напред момци и кога не нервирате навиваме за вас.

Македонската ракометна репрезентација победи на гостувањето кај Турција во Ескишехир 26-25 и обезбеди пласман на Европско првенство а има и големи шанси да заврши прва во групата.