Дојде крајот, Рафа Надал му кажа збогум на тенисот

Надал напиша „Благодарам до сите“ на 12 јазици, меѓу кои и на српски и сними видео со кое и се обрати на јавноста дека со настапот во Дејвис купот, што ќе се одржи 19 до 24 ноември во Малага, завршува со професионално играње на тенис.

Пристигна најтажното „Gracias a todos“ за Шпанија и сите фанови на тенискиот ас кој стана идол на милиони луѓе во светот.

Заминува како великан со 22 Гренд слема или вкупно 92 трофеи меѓу кои 36 Мастерс турнири, злато на Олимписките игри и 4 титули на Дејвис Купот.

Ќе остане запаметен како крал на Роланд Гарос со 14 трофеи и неприкосновен на земја со рекордна 81 победа во низа. Дури 63 трофеи во кариерата му се земјена подлога.

Застана на тронот на АТП на 22 години, последен пат беше на 33, а челната позиција успеа да ја држи 209 недели.

Тој е еден од само тројцата во историјата кои успеале да го освојат Голден слемот (Австралија опен, Франција опен, Вимблдон, УС опен и Олимписките игри). Другите двајца се Агаси и Ѓоковиќ.

Рафаел Надал настапи на само 23 меча во последните две години и поради честиот број на повреди на можеше да се врати во силен ритам.

Пред две години крај на кариерата стави Роџер Федерер, а тоа значи дека само Новак Ѓоковиќ останува активен од големата тројка по која ништо повеќе нема да биде исто во тенисот. 

10 октомври 2024 - 12:08

Штета ако сте пропуштиле

Ирец од Грција: Без разлика дали се во ЕУ, од двете страни на границата ќе живеат Македонци

Граѓански преписки

Балканскиот карактер на Мијанмар и Рохинџите

Исповед на комшијата