Една кореографија вклучува разни елементи: балони, барјаци, пиротехника и најчесто најтешкиот дел популарната шеталица. Навивачите најчесто ја цртаат и за тоа им требаат денови и ноќи пред големите натпревари. Притоа треба да мислат и на други работи како пароли, нови знамиња и слично за целата кореографија да биде без грешка.

Управата на Херта Берлин забрзано работи на модернизација на клубот. Со цел да привлече нови гледачи носат розева и портокалова опрема, користат англиски јазик за слоганите и стануваат полигон за трендсетери што им смета на конзервативните ултраси.

По одиграниот дуел меѓу Брегалница и Пелистер во Кочани кој заврши 0-0, навивачите на Пелистер биле брутално претепани од полицијата која соопшти дека најпрво физички бил нападнат нивен колега. Нереди имало пред, за време и по одиграниот меч.

Во неделата во аргентинската лига се одигра градското дерби меѓу Росарио Централ и Њуелс Олд Бојс. Навивачите направија спектакл за кој живеат цела година.

По завршување на мечот Рома - Палермо (4-1) во неделата, навивачите на двата клуба преку високиот плексиглас си ги разменија шаловите, како во старите добри времиња на италијанскиот фудбал.

Навивачите на Сан Лоренцо дефинитивно ги имаат најмелодичните навивачки песни во латинска Америка. Покрај многу свои дела, Ла Глориоза знае и да направи препев од некој хит, па така сега актуелна им е DUELE EL CORAZON од Енрике Иглесиас која што грми на трибини.

Од преку сто фан клуба во светот, една од најверните бази Реал ја има во земјава. Овдешните поддржувачи на „Кралскиот клуб“ не пропуштаат прилика организирано да патуваат секаде каде што играат Роналдо, Рамос и другарите. На кратко ни раскажаа како поминале во Дортмунд.

Освен вообичаените вести кои доаѓаат од овој дел на светот, ретко кој знае дека таму се игра и добар фудбал пред полни трибини. Еден навивач на ирански прволигаш е слеп, но редовно ги следи натпреварите со помош на својот најдобар другар кој му ги коментира настаните на теренот.

Чекавме голови на дербито Ливерпул - Манчестер Јунајтед, а нив ги немаше „ни за лек“. Пред почетокот на мечот на „Енфилд“ традиционално грмеше You''ll never walk alone, а за тоа време една мачка се прошета по теренот. Режисерот ја примети и го забележа моментот.

Во саботата фудбалерите на Партизан играа против Вождовац, а пред мечот навивачите им дале да облечат маици со ликот на убиениот водач Александар Станковиќ. Ај што фудбалерите комотно ги облекоа, туку синоќа истото мораше да го сторат и кошаркарите иако станува збор за криминалец кој требал да одлежи затворска казна од 5 години и 10 месеци.

По неколку години во пониските лиги поради банкрот, армејскиот клуб ЦСКА Софија повторно се врати во првата лига каде се сретна со вечниот ривал Левски Софија. Мечот заврши 1-1, а дербито го одбележи сценографијата на навивачите на Левски.

Во Премиер лига се треба да биде под конец и ако те фати грип и не си способен да одиш на стадион, може клубот да те казни и тоа на една година. Тоа му се случило на Кларк и сега син му се плаши да не го стегне депресија.

Еден од двата најголеми клубови од Мадрид од следната сезона ќе заигра на нов, модерен стадион. Веќе 4.500 сезонски влезници се продадени за следната година, а новиот дом на Атлетико Мадрид ќе собира околу 67.000 гледачи.

Клубовите со кои се поврзуваат најголемите диктатори најчесто со зацрвенети образи одбиваат да прифатат било каква поврзаност со нив, но општо е познато дека познатите светски диктатори сакале да гледаат фудбал.

Тимот на Славен Билиќ има беден старт во Премиер лигата и откако направи скор од 5 порази и една победа, вчера против Мидлсброу го одигра првото реми. Навивачите предизвикаа немили сцени и направија тепачка со гостинските навивачи, а кај еден фан е пронајден нож.

УЕФА го казни шкотскиот Селтик со 10.000 евра поради тоа што вееа палестински знамиња на меч против израелски клуб, а „Келтите“ тврдокорни по природа веднаш организираа акција за донирање парична помош на Палестина и собраа 172.060 фунти или 10 пати повеќе од казната на УЕФА. Колку го сакаат клубот покажаа и синоќа на мечот против Манчестер Сити во ЛШ (3:3).

Навивачите на Динамо вчера попладне нападнале група навивачи на Јувентус кои допатувале во Загреб. Меѓу сведоците на општиот хаос имало и Македонци кои отпатуваа да го бодрат Јувентус.

Се овистинија претпоставките дека враќањето на навивачите на Динамо на трибините после долгогодишен бојкот ќе резултира насилно. Особено што во Загреб вечерва гостува една од најпознатите навивачки групи во Европа.

Видад Казабланка е фудбалски клуб од Мароко кој не е страшно и да не го знаете. Не е дека во кладилница ја барате нивната лига за типување. Но мора да ги упознаете нивните навивачи по кои тимот е познат во Африка. Се викаат „Winners“ и името одлично им стои особено кога ќе ги чуете колку се добри. Велат најголем спектакл правеле на дербито против ривалите Раја Казабланка.

Минатата сабота сараевскиот Жељезничар одигра само 0-0 на гостувањето кај Младост, а поради таквиот епилог на еден нивен навивач му се слошило по што викнал Брза помош која што ја чекал цел саат. На крај решил да им покаже како се работи.

Ако барате англиски навивач кој ги посетил сите стадиони во својата и соседната земја и ако сакате да знаете колку ги има на број, тогаш треба да прочитате за Робин Валтерс. Човекот без бариери.

Пољаците се враќаат во Лига на шампиони по пауза од 21 година и веднаш успеваат да го свртат вниманието. Најпрво со спекталурна кореографија во нивниот препознатлив стил, а потоа со тепачка со редарите, ама со спрејови.

Големото дерби меѓу Феенорд Ротердам и Ден Хаг го одбележа можеби потегот на сезоната на гостинските навивачи. Откако станало извесно дека дуелот ќе го гледаат деца со разни заболувања од ротердамската болница „Sophia“, навивачите на Ден Хаг дознале дека ќе седат во секторот над трибината каде што ќе бидат децата, па решиле да ги израдуваат.

Викендов Дортмунд игра против Лапјциг на гости, а навивачите одлучија мечот да го следат на радио во својот град. Тие се големи борци против било какво корпоративно гледање фудбал и поради тоа го презират клубот на кој му забранија да прави шалови со нивното име, бои и грб.