Во неверојатна драма Атлетик Билбао ја совлада Мајорка во финалето на шпанскиот Куп на кралот на пенали откако во регуларниот дел резултатот беше 1:1. Баскијците кренаа прв пехар после цели 40 години!

Ете затоа не ги сакаме, а ниту ги разбираме оние веќе здодевни споредби на социјалните мрежи за тоа која лига е најдобра. Италијанско било тапа, Премиер лига била најјака, омилена теза на дежурните Фејсбук критичари. Ливерпул - Аталанта конечни 0:3, во првото четвртфинале од ЛЕ. Кој очекуваше?

Големиот Рони бил почесен гостин на мечот од 1/4 финале во Лига на шампиони меѓу ПСЖ и Барселона. А како и не би кога својот дар од Бога од Бразил во Европа прво го покажа во Париз. Во дресот на Парижаните на 77 меча постигна 25 гола со 17 асистенции а после во 2003-та замина во Барселона за трансфер вреден 32 милиони евра. Кај Каталонците одигра 207 средби, даде 94 гола и имаше 70 асистенции.

На некои дијалози едноставно не е потребен звук за да сфатиме што се прави муабет.

Еурофарм загуби на гостувањето против Вардар со 24:20, но имаат +2 во однос на ривалот, како и подобар меѓусебен скор, што значи ако не кикснат до крајот на сезоната, ќе ја одбранат титулата. Чкембари ги пречекаа и порачаа дека и оваа година ќе бидат шампиони.

Дваесет и девет годишниот крилен центар на Партизан во минатото играше за Хапоел Гилбоа Галил, Милано, Олимпијакос и Жалгирис, еднаш за време на еден дуел од грчкото првенство против Колосос си земал кафенце од една присутна гледачка во прв ред.

Со голот на Дејан Ѓуриќ во 73-та минута, ФК Вардар го урна актуелниот шампион на Македонија, Струга Трим Љум и за еден бод избега од опасната зона на испаѓање. Фудбалерите водат грчевита борба за опстанок, а Комити борба за финансиски опстанок. Истовремено се во топ форма со цртање графити и правење прекрасни кореографии.

Во саботата од 18 часот се играше големото римско дерби Рома - Лацио. Победи „римската волчица“ 1-0 со гол на стоперот Манчини во 42’ минута. Уште по рани зори сабајлечки околу двесте навивачи на Лацио влетале во близина на барот „Ривер“ близу стадионот Олимпико каде се собираат ривалите и нападнале стотина тифози на Рома кои се спремале за дербито. Во извештаите на полицијата која навремено реагирала и спречила крвопролевање се вели дека инцидентите започнале околу 9-9:30 часот изутрина. Некој тогаш уште не измил раце, а они...

Шведската прва фудбалска лига прослави 100 години од своето постоење, а навивачите на АИК од Стокхолм ја разбудија креативноста до даска со импресивна кореографија. Прикажаа мапа на стара Шведска како се брани од напади на бродови на кои може да се забележат ФИФА, УЕФА, ВАР, еврото и доларот.

Динамо Загреб во рок од 5 дена два пати го добива дербито против Хајдук и на тоа на гости со идентични 0:1. Во саботата во првенство, синоќа во полуфиналето од Купот. Торцида очигледно не можеше тоа да го поднесе и влета после мечот на терен. Играчите на Динамо бегаа во соблекувална.

Добри Комити еј, одлични. Изгинаа за клубот. На сета мака со пари, неизвесност, испаѓање од лига, враќање во лига и празни ветувања, упорно го држат Вардар на свои плеќи, без ќорав спонзор, а истовремено го одржуваат и имиџот. Од неделната дружба во Козле каде изработија три големи графити, објавија и мангупско видео.

Едните играат во трета лига, на табела се 11-ти, a го елиминираа Баерн. Другите се второлигаши кои се борат за опстанок и кои истовремено обезбедија пласман во финале. Купот во Германија сезонава е нешто посебно.

Џенова одигра 1-1 со Фрозиноне и освои бод кој ги држи 10 поени над опасната зона за испаѓе. Под цртата и над цртата за втора лига се Емполи и Фрозиноне со по 25 бода. Навивачите на Џенова го прославија голот од пенал на Алберт Гудмундсон а некој остана без пивце.

Најверните навивачи на Вардар вчера организираа голем собир во паркот од населбата Козле спроти поранешна Алумина. Падна голема дружба со скара и пиво, но имаше и многу работа за уметничките души во групата. Изработија три големи графити во должина од 250 метри.

Копа90 има нова документарка за необичниот фестивал за навивачи на Арсенал во далечната Кампала, главен град на Уганда. Секоја година таму се собираат навивачи на Арсенал од цела Африка а најбројни се оние од Источна Африка: Сомалија, Судан, Бурунди, ДР Конго.

Пред самиот почеток на големото дерби на 32. коло од Евролига меѓу Партизан и Олимпијакос кое гостите го добија 69:74, во белградска „Арена“ се одржа минута молк за загинатите од страшниот терористички напад во Москва.

За време на едно мини дерби во аргентискиот Куп меѓу Годој Круз и Сан Мартин, во 21-ва минута од првиот дел навивачите на двата тима се гаѓале со столици. Прекинот траел 15 минути додека не се смириле. Мечот завршил 0:0 во регуларен дел а домаќинот славел 4:3 на пенали.

Ќе речеш дете е, уште во кревет моча, ама гледајте го кај се качил, на каде е свртен и што работи за време на натпревар. Уште од мал ги има гестикулациите.

Нигериецот Брајт Осаи Самуел кој му влезе со боксови на навивачот на Трабзонспор, кој влета со маска на терен, доби графит од навивачите на Фенербахче. Арно ама и навивачот на Трабзоспор се најде на графит и тоа пред суд. Другарите во обид да го одбранат, сакаат да испратат порака дека не се тепа со никој, што е за право ако за доказ се важи само моментот кога стои сам.

Земјите од северна Африка неверојатно многу го сакаат фудбалот. Мароканците и Тунижаните просто како Јужноамериканците живеат за оваа игра. Особено кога има некое големо дерби во нивното првенство, стадионите се полни и има прекрасни кореографии и бакљади. За време на дербито Есперанс - Клуб Африкан гостинските навивачи не добиле дозвола да влезат ама затоа домашните направиле спектакл.

Витештвото и честа меѓу навивачите е тема за која ретко се зборува. Така во англиската Премиер лига има еден сјаен пример кој треба да го следат многу други навивачи ширум светот.

Јако тифо со моќна увертира пред мечот имаа викендов навивачите на Вардар на дербито против Шкендија (1:1), кое дефинитивно заслужува да се игра на Градски, а не во Маџари. На микрофонот е Бојана Скендеровски, придружувана од екстра мотивираниот хор на Комити за кои секој стих од славната „Заветна“ на Пепи Бафтировски е посебна емоција, бидејќи ја опишува пред сè историско националната, а потоа и клупска голгота и борба која ја водат. Слушнете со колкав жар ја пејат.

Ниту прв, ниту последен пат ќе гледаме тепачки во турскиот фудбал. Така е таму, им врие крвта. Но она што зачудува е храброста и дрскоста на играчите на Фенербахче, кои не е дека само се бранат или бегаат, туку влегуваат во туч и напаѓаат со клоци и боксови. Најмногу зачудува дивјачкиот потег на 22 годишниот Холанѓанец Џејден Устерволд кого го фатиле со телефон како рога и тоа веќе соборен навивач. Пази со нога во глава го удира. Некако многу хард кор бе ова а?

Енис Барди постигна прекрасен гол во дербито Трабзонспор - Фенербахче но му падна во втор план поради големите нереди кои ги предизвикаа домашните навивачи поради поразот 2:3.