Навивачите на Ајакс на времето му дадоа јак штимунг на светски познатиот хит на Гаја со тоа што го сменија рефренот и внесоа Tadic's on fire. Сега навивачите на турски Фенербахче го грмат исто хитот кога Србинот Душан Тадиќ ќе даде гол.

Ако некој сака да остане во свој свет дури и на фудбалски трибини, тогаш има и такви стадиони за него. Сент Џејмс Парк во Њукасл, Истер Роуд во Единбург и Тајнкасл Парк во Единбург

Во дуелот на повремените бундеслигаши а сега второлигаши, во Купот на Германија Келн со 2-1 ја совлада Херта Берлин. Гостите поведоа од пенал во 12-та минута, домаќините израмнија набрзо после во 30-та минута со автогол, а дури во продолженија славеа со гол од пенал на Дејан Љубичиќ во 120+1' минута.

Во се-бразилското финале на најголемиот фудбалски турнир во Јужна Америка, Копа Либертадорес, лидерот во бразилската Серија А Ботафого направи право чудо откако со играч помалку уште од 120-та секунда, на крајот го совлада големиот ривал Атлетико Минеиро со 3-1. Ова беше прв историски триумф на Ботафого во Копа Либертадорес во 125 годишната историја на клубот.

Откако му направи чест на Дел Потро, а беше гостин и на финалето од Копа Либертадорес, Новак на заминување од Буенос Аирес налета на можеби неговиот најголем обожавател од Аргентина. Малиот имаше можност да направи фотка за во рамка, а потоа и да му ја покаже тетоважата од моментот како го бакнува трофејот на Вимблдон.

Во големото дерби на англискиот фудбал Ливерпул со 2-0 го совлада Манчестер Сити и му ја продлабочи неверојатната криза која достигна до 7 порази на последните 8 меча. Црвените сега му бегаат на Сити цели 11 бода во трката за титулата а на Пеп тоа не му падна баш лесно.

Револтирани и гневни од оние билмези заглавени во 19 век, со начинот на кои го славеа денот на нивното знаме, навивачите на Пелистер одговорија од Широк сокак.

Бодо Глимт од северот на Норвешка е една од најсимпатичните екипи во европските купови во последниве неколку години. Синоќа во натпревар од Лига Европа му гостуваа на славниот Манчестер Јуанјтед. Дури и водеа 1-2 после пресврт но на крај изгубија 3:2 од големиот фаворит чиј тренер Рубен Аморим ја забележа првата победа откако седна на клупата на Јунајтед.

Борусија Дортмунд рутински се прошета во Загреб каде со 0:3 го совлада Динамо Загреб на македонскиот фудбалер Стефан Ристовски кој одигра цел меч. Ден по натпреварот Германците се жалат на мизеријата која ги затекнала на еден од најнеугледните стадиони во Лига на шампиони.

Не било мирно вчера пред натпреварот меѓу Црвена Ѕвезда и Штутгарт. На социјалните мрежи се споределуваат видеа од инциденти во кои се пресметуваат Делии со германските навивачи. Полицијата уапсила најмалку 15. Навивач на Штутгарт се тетеравеше и не можеше на нозе да стои.

Шкендија славеше против Шкупи со 2:0 во 16. коло од домашното првенство. Се игра македонска фудбалска лига, а Балисти и Шверцери, заглавени во времето, просторот и идеалите, скандираат за Косово, Илирида, Дарданија и Голема Албанија. Играта не ја прекинале, бидејќи за нив важат други правила, нели?

Навивачите на Баерн Минхен на чија главна трибина зад голот може да видите сè и сешто, од ЛГБТ знамиња па до знамиња за некаков опасен ултрас свет, синоќа извадија неколку навредливи пароли против газдата на ПСЖ, катарскиот шеик Насер Ал-Хелаифи. Пази му замерувале што имал неколку позиции во светот на фудбалот.

Неописливиот фанатизам на Јужно-американците за фудбал е извор на многу надреални настани. Во Аргентина извесен Габриел Аранда го носел со него черепот на дедо му Валентин на мечот на Расинг Авеланеда. „Ова е дедо ми Валентин Агилера“, рекол навивач на Расинг откако го бакнал черепот на дедо му по големата историска победа во финале на Копа Судамерикана на Расинг Клуб од Авељанеда против бразилски Крузеиро 3-1. 

Во шпанска Ла Лига, во големото баскиско дерби Атлетик Билбао пред повеќе од 50.000 гледачи на својот нов „Сан Мамеш“ го совлада големиот ривал Реал Сосиедад. Ама во Шпанија има здраво ривалство па така може да се видат и вакви мили сцени: навивач на Сосиедад во море црвено-бели навивачи на Атлетик.

На мечот од 4. коло во женската Лига на шампиони меѓу шведски Хамарби и Манчестер Сити, гостинките славеле 1-2, ја запишале четвртата победа по ред и со 12 бода се први во групата во која се уште и Барселона и австриски Сент Полтен. Генерално после 4 кола во женската Лига на шампиони се одвојуваат и најголемите фаворити за завршницата: Ман. Сити, Барселона, Баерн Минхен, Арсенал, Челси и Лион.

Кошаркарите на Партизан ја прекинаа серијата од шест порази во Евролигата и тоа токму против вечниот ривал Црвена Ѕвезда, која ја добија на гости со 89:77. Ѕвезда имаше победничка низа од 8 победи во нивните меѓусебни дуели на сите натпреварувања. Арената во Белград гореше. Преку 20.000 навивачи на Ѕвезда држеа картони со јагода.

16 години подоцна, истите маки, пењавења, ветувања...со тоа што сега е дури и бетер. Видеово е од згаснатата телевизија А2, а зборуваат легендарните Комити, Жути и Бошко Луди.

Во 23. коло од аргентинската Примера Дивизион, Њуелс Олд Бојс дома изгуби 2-3 од Сентрал Кордоба ама уште долго таму ќе се раскажува првиот гол на домаќините кој го даде Матео Силвети. Ова е стварно за прераскажување.

Проблемите во Вардар кои се веќе хронични, освен резултатски на спортски план, остануваат или стануваат компликувани и од внатре. Од горе кажувале кој да биде директор на ФК Вардар.

Германски Сент Паули реши да се повлече од познатата светска мрежа Х за која велат дека била генератор на хомофобија. Има муабет дека и други би тргнале по нивни стапки.

Французите разочараа пред своите навивачи и одиграа само 0-0 против Израел. Пред натпреварот од Лига на Нации на „Стад д'Франс“, француските власти одлучија илјадници полицајци да водат сметка за безбедноста на гостинските навивачи со оглед на анти-израелското расположение меѓу муслиманите во Франција. На крај испадна Израелците правеле бељи на трибини и ги нападнале домашните навивачи. Пред само неколку недели навивачи на Макаби Тел Авив правеа инциденти и во Амстердам.

Додека беше тренер на Евертон во Премиер лига, Карло Анчелоти во еден момент морал од трибините да ја следи екипата. Си седнал на едно седиште ама таму една културна жена љубезно му кажува дека седиштето е нумерирано а таа има карта за таму.

На синоќешното Собрание на акционери, управата на ФК Вардар со новиот сопственик изгласала неколку нови членови во одборот на директори. Претставниците на навивачката група „Комити“ биле категорично против тоа Миленко Неделковски да биде изгласан за функционер (извршен директор) во клубот. Комитите се огласија со соопштение во кое пишаа дека тој не поседува карактерен и морален капацитет ниту пак визија да го води клубот.

ФК Вардар одржал Собрание на акционери, со цел да се избере новата раководна структура на клубот. Комити соопштија дека за извршен директор е изгласан Миленко Неделковски.