Навивачите на Трабзонспор ја имаат најлудата журка за шампионската титула

Со 9 бода предност пред Фенербахче на 3 кола до крај, Трабзонспор е шампион во Турција и тоа по пауза од 38 години. Ќе го превртеа и стадионот и градот.

Трабзонспор е во транс, бидејќи и се радува на шампионската титула за пат после сезоната 1983/1984 и седми пат во историјата, со што за момент ја ставаат на пауза доминацијата на триото Фенербахче (28), Галатасарај (23), Бешикташ (21) кои заедно тежат 72 титули.

Се работи за тимот кој во 2015-та, Работнички под водство на Игор Ангеловски успеа да го елиминира и да направи сензација во третото квалификациско коло за ЛЕ. 105 милиони евра тежеа тогаш.

Најзвучното име им е Словакот Марек Хамшик, инаку легендарен капитен на Наполи кој уште е рекордер со 520 настапи за италијанскиот прволигаш, а до 2020-та беше и прв стрелец со 121 гол, рекорд кој му го сруши Мертенс.

Хамшик има освоено два пати Куп на Италија и еднаш Супер Куп, но никогаш претходно во својата 20 годишна кариера се нема за израдувано на титула.

„Ова ми е прва шампионската титула во кариерата. Никогаш не очекував дека ќе ја освојам тука. Фантастично е чувството што им прирeдивме радост на толку многу луѓе“, изјави словачкиот репрезентативец.

Прослава ќе ја паметат цел живот

Како и оваа лудачка инвазија на терен.

3 мај 2022 - 09:04

Штета ако сте пропуштиле

Што не кажете дека само уште паркингот бил проблем?

ДУИ нè потсетија како звучат во оригинал

Нож, жица, отштетица

Историјата на битките околу sex.com