- И покрај тоа што сè уште игра во топ форма, еден од најдобрите играчи од среден ред на денешницата, одлучи по завршување на ЕП 2024 да ја заврши играчката кариера.
- Крос има 17 годишна величествена кариера во која освои вкупно 31 клупски трофеј или 10 со Баерн Минхен и уште 21 со Реал. Има 1 ЛШ со германскиот и 4 со шпанскиот гигант, бројка која на 1 јуни може да ја зголеми на вкупно 6.
- Една година играше и како позајмен играч во Баер Леверкузен, а беше дел и од светскиот првак Германија 2014. Оваа официјална одлука значи дека финалето на Вембли ќе му биде последен клупски настап.
- Во Серија А има голема тренерска вртелешка летово. Масимилијано Алегри е старо-нов предводник на Милан, Џан Пјеро Гасперини отиде во Рома а на негово место Аталанта денес го постави хрватскиот тренер Иван Јуриќ.
- На големо изненадување на италијанската јавност, Аталанта се реши за Јуриќ и му дала 2-годишен договор. Јуриќ (49) досега водеше неколку италијански клубови меѓу кои Кротоне, Џенова, Палермо и Торино. Беше неколку месеци во Саутемптон каде забележа бројни порази и доби отказ од тимот кој испадна во втора лига.
- По сјајните златни одличја на РК Вардар 1961 кој стана двократен европски шампион во Лига на шампиони и ЖРК Кометал Ѓорче Петров кој исто ја освои европската титула, РК Алкалоид денес стана првак во Европскиот Куп на ЕХФ.
- По одлука на Европската куќа на ракометот, епилогот од реванш мечот меѓу Алкалоид и АЕК е службена победа на скопскиот тим 20:0 што значи дека „фармацевтите“ се нови шампиони во Европскиот Куп.
- Кире Лазаров стана прв македонски тренер со освоен европски трофеј. Претходно Вардар 1961 го водеа Раул Гонзалес и Роберто Гарсија Парондо до евро-титулите а Кометал Ѓорче Петров освои со рускиот стратег Александар Панов.
