Offside › Набрзинка

Суспензија за Русија од ФИФА и УЕФА во сите натпреварувања

28 февруари 2022

Тоа што се најавуваше во текот на денот, сега е и официјално. Советот на ФИФА и Извршниот комитет на УЕФА ги суспендираа сите руски екипи и репрезентации од нивните натпреварувања.
Светската куќа на фудбалот прво ги забрани руското знаме, име и химна, а противниците во плејофот за СП 2022 одбија да играат против нив. Но со оваа најнова одлука, Русија е исклучена од баражот за Мундијалот во Катар.
Претходно, УЕФА го суспендирашe единствениот преостанат руски тим во натпреварувањата под капата на европската куќа на фудбалот, Спартак Москва. Рускиот тим е исфрлен од Лигата на Европа и неговиот противник Лајпциг автоматски обезбеди пласман во четвртфиналето.

16 мај 2026

Гоце Седлоски ја освои четвртата титула во Првата македонска фудбалска лига, трета со Вардар 2015/16, 2016/17, 2025/26 и има една со Шкупи.
Со тоа го стигна Ѓоко Хаџиевски кој исто така има четири титули, сите со Вардар 1992/93, 1994/95, 2001/02 и 2002/03.
Прв на вечната листа е Ѓоре Јовановски, кој има пет трофеи, три со Слога Југомагнат (1998/99, 1999/00 и 2000/01), како и два со Работнички (2004/05 и 2005/06).

15 мај 2026

Дејвид Бекам стана првиот спортист милијардер од Велика Британија со богатство од 1,185 милијарди фунти на листата на најбогати на „Сандеј тајмс“ за 2026 година.
Тоа гo става на второ место меѓу спортистите, зад семејството на поранешниот шеф на Формула 1, Берни Еклстоун, чие богатство се проценува на 2 милијарди фунти.
Поранешната икона на Манчестер Јунајтед е ко-сопственик на Интер Мајами, кој се проценува дека е највредниот клуб во МЛС со 1,45 милијарди долари (1,07 милијарди фунти).
51-годишникот, кој беше прогласен за витез во ноември, е исто така амбасадор на брендови како што се Адидас и Хуго Бос.