- ФИФА објави извештај од вкупната заработка на фудбалските менаџери која се однесува за периодот 1 јануари - 1 декември 2025.
- Изнесува 1,37 милијарди долари, 90% повеќе од минатата година. Претходниот рекорд бил 890 милиони долари, регистриран во 2023-та.
- Најголеми трошачи се англиските клубови, кои за менаџери издвоиле 375 милиони долари, а втори се германските клубови со 165 милиони долари.
- Оваа година, клупските агенти биле вклучени во вкупно 3.010 меѓународни трансфери, што е нов рекорд и зголемување од 38% во споредба со лани.
- „Без инфраструктура не може да барате и да очекувате врвни резултати, и токму тоа е процесот или реформите кои ги започна Министерството за спорт. Мислам дека тоа не е процес кој може да даде резултати преку ноќ, меѓутоа, драго ми е што се забележува и во јавноста дека спортската инфраструктура ги прави првите чекори на промените во спортот или реформите во спортот“, вели министерот за спорт Борко Ристовски во интервју за МИА
- „Министерството за спорт не може да креира успеси во спортот. Успесите ги креираат федерациите, клубовите, тренерите. Ние сме тука да направиме услови што е можно подобри за тие луѓе да можат да работат и да создаваат успеси.“
- „Мислам дека имаме повеќе приоритети. Еден од нив е донесувањето на новиот закон за спорт, подобрување на спортската инфраструктура, обезбедување на средствата или субвенциите од државата на вистински начин и со тоа да стимулираме што е можно повеќе спортски резултати.“
- На неколку часа пред големата борба меѓу Британецот Антони Џошуа и јутјуберот Џејк Пол, Џошуа, некогашен олимписки шампион од Олимписките Игри 2012 во Лондон, изјави: „Ако можам да те убијам, ќе те убијам. Тоа е моја работа - ние се бориме. Ние имаме лиценца за убивање. Сигурен сум дека многу луѓе не го разбираат тоа, но ова е мојата работа. Јас уживам во тоа што го правам. Што и да се случи ќе се случи. Тоа е менталитетот што ние борците го имаме“, рекол Џошуа.
- На ова му одговорил Тајсон Фјури, кој како трето лице од страна ќе ја следи борбата меѓу Џошуа и Џејк Пол:
- „Само што ги земав децата од училиште. Само што го изгледав видеото во кое Џошуа вели дека „ако убие некој, ќе убие во боксерски ринг“. Тој има 37 години и на крајот од својата кариера е, а се бори со јутјубер, некој лик од Дизни Канал што чичко Том (Фјури) го победил, а сега зборува за негово убиство и некои работи за да ја продаде борбата. Те молам. Лаеш на погрешно дрво идиоту. Еве ти еден факт, ако некогаш те сретнам, клошару, ќе те успијам со еден удар. Не сум јас јутјубер ниту човек пола од твојата големина. Јас сум човекот што ќе те убие“, рекол Тајсон Фјури кој со ова како да најавува нова атрактивна борба против Џошуа.
- Службено боксерскиот меч Џошуа - Пол е заведен како професионална борба во тешка категорија која ќе трае осум рунди по три минути, а борците ќе носат ракавици од 10 унци без разлика што Џошуа е професионален боксер а Пол тип познат од интернет.
