Offside › Набрзинка

Ракитиќ раскина договор од 20 милиони по сезона, а во Хајдук ќе заработува 600.000 евра

18 јули 2024

Славниот хрватскиот фудбалер, роден во Швајцарија, кој кариерата ја почна во Базел, заигра во Шалке, а најмногу се прослави во Севиља и Барселона е нов член на Хајдук и соиграч на Александар Трајковски.
Имаше богат двегодишен договор со Ал Шабаб од Саудиска Арабија кој го потпиша во јануари годинава за 20 милиони евра по сезона, но го раскина за да се пресели во Хајдук за 600.000 евра годишно.
Клучна улога за неговото доаѓале на Пољуд одиграле Калиниќ како директор, Гатузо како тренер и Перишиќ како негов поранешен соиграч.
„Сплит е на некој начин мојот град, Хајдук е секогаш со мене, таму се мојот кум и сите мои пријатели. Имам лична врска со Хајдук, тоа е сосема јасно. Не знам што ќе се случи. Кога дојдов во Ал Шабаб, можеби беше потешко, но никогаш не се знае, изјави Иван Ракитиќ пред неколку месеци во интервју за Zagreb.info.

извор

Миовски пред Шкотска: Време е за заедништво - поддршката од публиката ни е ептен потребна!

2 октомври 2026

Напаѓачот на македонската фудбалска репрезентација и член на шкотскиот великан Глазгов Ренџерс, Бојан Миовски, побара максимална сплотеност и најави поинаков пристап пред утрешниот дуел против Шкотска во Лигата на нации од 20:45 часот.
По воведните порази од Швајцарија и Словенија, нашиот голгетер верува дека излезот од резултатската криза лежи исклучиво во тимската игра. Свесен за притисокот по лошиот старт, Миовски потенцираше дека сега е моментот зборовите да се преточат во дела на зелениот терен.
„Секој период во репрезентацијата носи свои предизвици. Немаме посакувани резултати како што очекувавме, но сега сме во момент кога треба да покажеме заедништво. Можеме да зборуваме многу, да кажуваме било што, но сега треба да бидеме тим и тоа на дело да го докажеме на терен“, изјави Миовски.
„Ние играме дома и мораме да бидеме како еден колектив, не сме селекција која може да се потпре на индивидуален квалитет. Ако бидеме колектив, ќе се вратат резултатите. Фудбалот се игра за публика, колку е пополн стадионот, толку и самодовербата е поголема. Знаеме и свесни сме дека сме во криза, затоа ги повикувам сите навивачи да ни ја дадат поддршката сега кога е најтешко.“

извор

Седлоски: Не дека селекторот се вади, но факт е дека националните тимови во Б дивизијата се подобри

2 октомври 2026

„Овие момци тука кои се, ве молам дајте им поддршка на сите. Ја подмладивме репрезентацијата, уште ќе подмладувам. Критиките нека одат кај мене, а јас по договор со федерацијата ќе подмладувам. Сакаме да создадеме нови играчи, го кажав тоа по мечот во Љубљана и на тој процес останувам до крај.
Играме во Лигата Б, не е дека селекторот се вади, туку факт е дека националните тимови се подобри. Кога доаѓав, знаев каде влегувам и знаев со какви репрезентации се игра. Кога игравме и во Лигата Ц се мачевме и во нападот и со головите. Работам, гледам, следам и знам што правам.
Спремни сме да излеземе на терен, да покажеме карактер и она што го играме во Словенија, од кое можам да бидам задоволен освен од резултатот, да продолжиме во тој ритам, да не се браниме.“, изјави Седлоски.

извор