Offside › Набрзинка

Пандев за Седлоски: „Го направивме вистинскиот избор“

23 декември 2025

Некогашниот репрезентативен стопер со 100 настапи, Гоце Седлоски и официјално е поставен за нов селектор на Македонија. Тој паралелно ќе го води и ФК Вардар со кого ја заврши есенската полусезона на прво место во ПМФЛ.
На денешната прес-конференција на претставување на Седлоски беа првиот човек на ФФМ Масар Омерагиќ, Горан Пандев и портпаролот Златко Андоновски.
Седлоски претходно беше в.д. селектор на репрезентацијата која ја водеше на само еден натпревар и оствари триумф против Литванија. Сега дебито на клупата ќе го има во март на тешкото бараж гостување против Данска во Копенхаген.
„Најпрво, сакам да му честитам на Гоце Седлоски што е именуван за нов селектор. Исто така благодарност на Благоја Милевски за сè што направи за Македонија и за македонскиот фудбал. Седлоски го знам многу години, сме играле заедно. Го знам како карактер, како човек и мислам дека е вистинскиот избор за селектор на репрезентацијата. Се работи за човек што многу дал на мак-фудбалот како играч и последните години и како тренер што беше во екипите во Македонија и надвор од неа. Се работи за млад перспективен тренер што може да го подигне нивото на репрезентацијата. Пред сите нас следи работа, верувам во него и му посакувам успех во А-репрезентацијата“, рече Пандев.
Омерагиќ откри дека договорот со Седлоски е на две години со можност да се продолжи на уште две, дека тој ќе остане тренер на ФК Вардар до јуни до кога репрезентацијата ќе го има само овој прозор во баражот.

извор

Растодер: Горд сум за деби голот за Македонија, комбинацијата од корнер ја трениравме

14 ноември 2026

Елмин Растодер го разби малерот на македонската фудбалска репрезентација, која осум натпревари беше во серија без постигнат гол. По мечот со Шкотска изјави дека се работи за вежбана комбинација.
„Горд сум што го постигнав првиот гол за Македонија, но штета што не успавме да стигнеме барем до еден бод. Одигравме добар натпревар, бевме спремни, но понекогаш таков е фудбалот. Комбинацијата од корнер ја трениравме, јас истрчав на прва статива, Барди ја испрати токму таму топката и погодив со глава.
Сакам уште еднаш да кажам дека сум многу горд што постигнав гол за нашата држава, тоа е мојата задача, напаѓач сум. Тоа ми дава енергија да постигнам погодок и на следниот натпревар против Словенија“, рече напаѓачот на Панатинаикос.

извор

Седлоски: Мечот го реши ВАР, немам што да им замерам на момците

14 ноември 2026

„Овој натпревар го реши ВАР, немам што да им замерам на момците, одиграа одличен натпревар, кога играте со ваква репрезентација мора да сте на високо ниво, тие ги искористија своите шанси и дојдоа до победата.
Полека, полека фудбалерите ги разбираат моите замисли, жално е за резултатите, добро е за фудбалерите што дадовме гол бидејќи цело време се спомнуваше, знам дека тие можат повеќе.
Ние со ваква игра можеме да се носиме со силни репрезентација. Одигравме машки и борбено, го исполнија тоа што барам, го оставија срцето на теренот, штета што загубивме, се надевам на подобри денови“, изјави по мечот селекторот Гоце Седлоски.

извор