Омерагиќ: Со Милевски разговаравме за нов договор, но се случи Кардиф
25 декември 2025
- „Не знам зошто именување на селекторот е во центар на вниманието, тоа е нормално. Секаде се менуваат селектори. Не беше планирано, разговаравме и за продолжување на договорот, но дојде тој последен период и резултатот во Кардиф.
- Боби на голем дел од овие репрезентативци им беше селектор и во младата селекција, со некои од нив работи десет години. Поради тоа одлучивме дека е време за нова енергија. Милевски имаше одлични резултати, имаше и лоши резултати, секогаш е така. Тој секогаш беше максимално коректен и скромен.
- Сметавме дека со една нова енергија ќе имаме повеќе шанси во баражот, дали тоа е правилен избор ќе видиме, никогаш тука нема правило, нема гаранција во спортот“, вели првиот човек на ФФМ, Масар Омерагиќ во новогодишно интервју за Јутјуб каналот на федерацијата.
