- Некогашниот уругвајски репрезентативец, Фабиан О’Нил кој во кариерата покрај за домашните Дефенсор Спортинг и Насионал Монтевидео, играше уште и за Каљари, Јувентус и Перуџа, починал во неделата од проблеми со црниот дроб.
- О’Нил долго време се борел со алкохолизмот поради што го нарушил здравјето.
- Тој дебитирал на 18 години, во 1992-ра за славниот Насионал Монтевидео, а после три години се преселил во тимот на Каљари во Италија. Во 2000-та направи животен трансфер откако потпиша со Јувентус. За „бјанконерите“ одигра 14 меча, а за него Зинедин Зидан во една прилика изјавил дека е најталентираниот фудбалер кој некогаш го видел.
- Македонските скијачи, досега учествувале на шест Зимски Олимписки Игри, почнувајќи од тие во Нагано 1998 година, па сè до Пекинг 2022.
- Под македонското знаме до сега се појавиле вкупно 15 преставници, седум во женска (четири нордијки и три алпинки) и осуммина во машка конкуренција (тројца нордијци и петмина алпинци).
- На претстојните 25-ти ЗОИ, кои од петок до 22 февруари ќе се одржат во Милано и Кортина, Македонија ќе има четворица учесници.
- Најдобар пласман бележи скијачот Ристевски, 29-то место на слалом, во Сочи 2014 година.
- Турскиот гигант Фенербахче продолува максимално да се засилува на патот кон трофеите во турското првенство и Купот. На табела се втори со 3 бода зад Галатасарај кој има 49 бода.
- Синоќа Фенербахче потпиша 2,5 годишен договор со одличниот Французин Н'Голо Канте кој после историскиот успех со Лестер кога беше дел од шампионската екипа, блескаше во Челси па замина во Саудиска Арабија. Сега се враќа оттаму, самиот имал желба да се врати во средина каде ќе има поголем предизвик, а поголем предизвик од борба за титула во турски фудбал тешко да има.
- На кратко време пред истекот на преодниот рок во турскиот фудбал, голем удел во надминување на бирократските процеси со луѓето од Саудијска Арабија имал турскиот претседател Реџеп Тајип Ердоган кој во тие моменти бил во посета на оваа земја па ургирал трансферот да мине побрзо.
- Ал Итихад, клубот на Канте во последен момент го раскинал договорт со Французинот, ФИФА ги одблокирала процедуралните бариери и законскиот рок бил испочитуван во раните часови на 4-ти февруари. Фенербахче потпиашл две ипол годишен договор со Канте до 2028.
