- Некогашниот уругвајски репрезентативец, Фабиан О’Нил кој во кариерата покрај за домашните Дефенсор Спортинг и Насионал Монтевидео, играше уште и за Каљари, Јувентус и Перуџа, починал во неделата од проблеми со црниот дроб.
- О’Нил долго време се борел со алкохолизмот поради што го нарушил здравјето.
- Тој дебитирал на 18 години, во 1992-ра за славниот Насионал Монтевидео, а после три години се преселил во тимот на Каљари во Италија. Во 2000-та направи животен трансфер откако потпиша со Јувентус. За „бјанконерите“ одигра 14 меча, а за него Зинедин Зидан во една прилика изјавил дека е најталентираниот фудбалер кој некогаш го видел.
- Европската шампионка со Кометал Ѓорче Петров има нов тренерски предизвик, а тоа е женскиот ракометен клуб Војводина од Нови Сад.
- Будимир е прва жена тренер во машката репрезентација на Македонија У-17, како и прва во машки сениорски тим, а тоа е РК Скопје.
- Тренерската кариера ја почна во академијата на Вардар, а како ракометарка е двократен европски првак со меѓународна кариера во Кометал Ѓорче Петров, Шлагелсе, Подравка, Валенсија…
- Најтрофејниот европски кошаркарски клуб Реал Мадрид потпишал 2-годишен договор со сјајниот француски плејмејкер Тео Маледон. Трансферот го потврди и неговиот досегашен клуб АСВЕЛ. Освен за АСВЕЛ Французинот малку играше и во НБА за Оклахома Сити Тандер, Шарлот Хорнетс и Феникс Санс. Сезонава беше еден од најдобрите играчи во Евролига.
- Реал Мадрид пред неколку дена назначи и нов тренер - на клупата после цели 23 години повторно седнува шпанскиот селектор Серџо Скарило кој го водеше Реал Мадрид од 1999 до 2002-ра.
- Скариоло најави дека Евробаскетот 2025 ќе му биде последен голем настан со репрезентацијата на Шпанија со која освои неверојатни 5 злата! Светско првенство 2019, Евробаскет 2009, Евробаскет 2011, Евробаскет 2015 и Евробаскет 2022, 1 сребро (Олимписки Игри 2012 Лондон) и 2 бронзи (Олимписки Игри 2016 Рио и Евробаскет 2017).
- Летово од Реал Мадрид си отидоа: Џанан Муса (Дубаи), Серж Ибака (35 години), Ели Ндијае (21), Уго Гонзалес (19), Деклан Дуру (18), Серхио Љуљ (оди во управата). За очекување е уште поголема чистка во екипата и нови играчи.
