- Веројатно револтиран од одлуката Гоце Седлоски а не тој самиот да биде нов селектор на фудбалската репрезентација, некогашниот предводник на фудбалерите Игор Ангеловски распали по Фудбалската федерација на Македонија.
- „Селекторот Гоце Седловски ни риба ни девојка! Несериозен пристап на раководството на ФФМ заедно со УО најпрво со селекторот Благоја Милевски, а сега и со изборот на новиот селектор Гоце Седловски за клучните натпревари за пласман на Светско првенство кој претставува НАЦИОНАЛНО ПРАШАЊЕ! При избор на селектор треба да се има сериозен пристап. Таа функција не трпи пресметки како за избор на гувернер на национална банка на една држава каде се „регулираат парите во оптек”
- Вие не правите разлика, важно е само личните интереси да Ви бидат задоволени. Ваков скандал колеги „мои” кои сте во комисијата и сакате да се амнестирате Ве молам да не ми се јавувате! Одважете се и излезете јавно! Сите сте докажани, реализирани фудбалски професионалци! Зошто дозволувате да бидете пандан зад кој се кријат „фудбалски стаорци”?
- После се што слушнав на денешниот семинар за тренери носители на про-лиценца кој се одржуваше во исто време кога беше промоција на новиот селектор во хотелот „Хилтон“ и тоа од моите колеги кои беа во огромен број е причината да излезам јавно и да го изнесам мојот став. Ако еден зборува тогаш или е до него или е до тебе. Ако двајца или повеќе зборуваат тогаш г. Омерагиќ треба да се замислиш“, напиша Ангеловски.
- Биографската книга „Фудбал под сенка“, посветена на легендарниот македонски фудбалер Васил Рингов, во авторство на новинарот Срѓан Ивановиќ, ќе биде промовирана на 17 април (петок), во книжарницата „Литература.мк“ во „Дајмонд мол“, со почеток во 20 часот.
- Книгата излегува постхумно, неколку месеци по смртта на Рингов, кој активно беше вклучен во нејзиното создавање. Денот на промоцијата, пак, се поклопува со датумот на неговото раѓање.
- „Фудбал под сенка“ на искрен и непосреден начин ја раскажува животната и спортската приказна на Рингов – еден од најзначајните фудбалери во македонската и југословенската историја, чие име е тесно поврзано со успесите на ФК Вардар. Книгата нуди увид не само во неговата богата кариера, туку и во личните предизвици, размислувањата и вредностите што го формирале како спортист и како човек.
- Двајцата синови на Дејан Станковиќ кој беше легенда на Црвена звезда, Лацио и Интер, Александар и Филип наскоро би можеле да се вратат на „Џузепе Меаца“ каде што ги почнаа фудбалските кариери.
- Александар (20) напредуваше неверојатно многу и откако преку Луцерн замина во Клуб Бриж за 9,5 милиони евра, стана главен играч на трофејниот белгиски клуб. Станковиќ беше најдобар играч на екипата во Лига на шампиони, а после 30 кола Клуб Бриж е втор со три бода зад лидерот во Белгија и се бори за шампионска титула благодарение на одличните партии на српскиот репрезентативец.
- Интер, поточно Марота инсистирал во клаузулата при потпис на договорот со Клуб Бриж да се вметне и клаузула според која Александар Станковиќ за 25 милиони евра би можел да се врати во Интер. Оваа клаузула најверојатно ќе биде активирана во јуни кога младиот фудбалер од среден ред ќе се врати во Интер.
- Таму би требало да се врати и брат му Филип кој е голман и кој бранеше на позајмица во неколку клубови а сега е во Венеција.
