Спектакуларна тројка на Јокиќ во дуел еден на еден со Андетокумбо

Србија и Грција одиграа неизвесен и возбудлив натпревар во квалификациите за Светско кој го добија домаќините во продолженијата. Очите вперени кон Никола Јокиќ кој со феноменален шут за три ја запали публиката. Му скандираа МВП.

Јокиќ го имаше потегот на мечот со кој ја крена на нозе салата Штарк во Белград, каде преку 19.000 гледачи дојдоа да го следат квалификацискиот дуел за СП меѓу Србија и Грција кој заврши 100:94.

Тоа беше воедно и пресметка меѓу двете големи НБА ѕвезди и тоа Никола Јокиќ како МВП во последните две сезони и Јанис Андетокумбо кој ја освои МВП во НБА финалето минатата година.

Гркот беше најефикасен со 40 поени, 8 скока и 5 асистенции, но сепак недоволно за триумф. Јокиќ го заврши мечот со 29 поени, 8 скока и 5 асистенции.

Сите го коментираат потегот на мечот на ѕвездата на Денвер, кој од свртување со една нога му одигра еден на еден на крилниот центар на Милвоки, за делириум на трибините.

И покрај тоа што Србите со оваа тројка имаа +8 на 90 секунди до крај, сепак ја прокоцкаа предноста и мечот го добија во продолженија.