Биковите пресилни, славеа со 56 поени разлика

Лос Анџелес Клиперс го совлада Сан Антонио 102:96, израмни на 3-3 и на свој терен ќе ја бара шансата за пласман во полуфиналето на Западот. Предводен од Џими Батлер и Пау Гасол, Чикаго Булс ја оствари најубедливата плејоф победа од 1956. година.

Марко Белинели погоди две тројки по ред во последните 80 секунди, од која една на 14 секунди пред крајот, но Џамал Крафорд и Блејк Грифин ги реализираа слободните фрлања и Клиперс го победи актуелниот шампион.

Блескаше тандемот Крис Пол-Блејк Грифин. Пол уфрли 19 поени со 15 асистенции, додека крилниот центар постигна 26 поени со 12 скокови и 6 асистенции. Клиперс славеа благодарение и на Деандре Џордан кој оствари дабл-дабл учинок со 15 поени и 14 скокови.

Кај Спарси, најрасположен беше Белинели со 24 поени, а Борис Дијао додаде 17. Ветеранот Данкан изброи до 12 поени со 13 скокови. Решавачкиот седми натпревар се игра во сабота во Лос Анџелес, а победникот од тој дуел ќе оди на Хјустон Рокетс кои убедливо славеа против Далас во серијата.

Грифин го однесе Клиперс на прагот од пласман во полуфнале:

Меката рака на Марко Белинели:

Чикаго Булс на убедлив начин се пласираше во полуфиналето на Источната конференција, откако синоќа го прегазија Милвоки со 120:66. Булси на тој начин ја остварија и најубедливата победа во плејофот по 19. мај 1956. година. Тогаш Минесота го совлада Сент Луис со 133:75.

Чикаго со конечни 4-2 во серијата се пласираше во полуфиналето каде ќе игра против Кливленд, кој претходно со 4-0 го елиминираше Бостон Селтик.

Мајк Данливи со 20 поени беше најефикасен синоќа, а одличен натпревар прикажа и Марк Гасол со 19 поени и 8 скокови. Џими Батлер додаде 16, а Дерик Роуз 15 со седум асистенции. Кај Бакси, сите играчи се запишаа во листата на стрелци, но ноти еден немаше двоцифрен број на поени.

Атрактивно забивање на Џими Батлер: