Првата четвртина протече со брза и израмнета игра, а екипата на МЗТ со мини серија во последните две минути успеа да направи предност од 8 поени за 26:18.
Кошаркарите на МЗТ продолжија да ја зголемуваат предноста и во втората четвртина за на полувремето да заминат со водство од 46:34. Во првото полувреме се истакнаа Далман со 12 и Чековски со 11 поени, а кај Фени најрасположен беше Фрај со 14 поени.
Аеродромци рутинирано ја зголемуваа преноста и во третата четвртина по која резултатот гласеше 67:48, но на стартот од последниот период Фени направи серија и намали на 69:58.
Сепак МЗТ не им дозволи на кошаркарите на Фени да направат подвиг и на крајот славеа со 84:66.
Најдобри во редовите на МЗТ беа Ѓорѓи Чековски со 22 и Игор Мијаиловиќ со 18 поени, а под кошевите царуваше Тодор Гечевски кој освен 13 поени оствари и 15 скокови. Најефикасен кај Фени беше Џарид Фрај со 18 поени.
Искусниот Гечевски беше прогласен и за МВП на финалето.
Славјето на навивачите беше толку големо што настрада и пехарот.
Фото галерија од атмосферата на трибините и големото славје.
