На конференцијата на која присуствуваа преку 300 луѓе, Дејвид Бекам стави крај на сите шпекулации и официјално објави дека формирал нов фудбалски клуб во САД.
Но освен формирањето на клубот, речиси ништо друго не е познато. Тој сè уште е во потрага по локација за стадион, како и потенцијални инвеститори кои ќе му помогнат околу трошоците.
Еден од нив можеби ќе биде и ѕвездата на Мајами Хит, Леброн Џејмс со кого Бекам веќе е во преговори.
Освен локацијата и датумот од кога овој клуб ќе се приклучи во МЛС лигата, не е познато ниту името на клубот, па кладилниците веќе ги дадоа своите предлози и коефициенти.
Според Betfair, најголеми се шансите клубот да се вика Мајами Бекам Јунајтед, а има шанси да го носи и името Мајамчестер Јунајтед:
Miami Beckham United - 4
Miami Tropics - 7
Miami Fusion - 8
Miami Matadors - 11
Beckham FC - 13
Miami Gatos - 17
Miami Metrosexuals - 21
Miami Maestros - 23
Miamchester United - 1001
Кладилницата Paddy Power понуди коефициент 34 дека дури и Дејвид Бекам ќе заигра за својот клуб, а коефициентот дека тие ќе ја освојат титулата уште во својата прва сезона е 13.
