Проклетството на шампиони се повторува секоја година откако Лигата на шампиони го доби новиот формат во 1992-та година, односно ниту еден шампион не успеал да си ја одбрани титулата следната сезона.
Но и покрај оваа традиција и негативата од првиот натпревар кој Челси го доби со 1:0, светските обложувалници веруваат дека Барселона има најголеми шанси повторно да триумфира во финалето во Минхен на 19-ти мај.
Барселона и Челси до сега се сретнале пет пати на Камп Ноу, а домаќините имаат само две победи (5:1 и 2:1). Сепак доминацијата од првиот натпревар ги убеди букмејкерите да дадат коефициент од само 1,35 дека Барселона ќе избори пласман во финалето, а коефициентот за Челси изнесува 3.
Според обложувалницата bwin, малку потешка задача ќе има Реал Мадрид кој ќе треба да ја надополни негативата од 2:1. Коефициентот за нивниот пласман во финалето е 1,6 додека коефициентот на Баерн Минхен е 2,25.
Коефициентот дека Барселона ќе ја одбрани титулата во најелитното европско клупско натпреварување изнесува 2,15. По Барселона, најголеми шанси има Реал Мадрид (коефициент 3,5), следи Баерн Минхен (4,25), а најмали шанси и се даваат на екипата на Челси (коефициент 8).
