Американската компанија Beats за производство на слушалки, основана од познатиот рапер Др. Дре снимила сјајна реклама со најдобриот центарфор на денешницата, Ерлинг Халанд.

Се сеќавате ли на Дејверсон? Како ли трпеле ваков циркузант во Португалија, Германија и Шпанија? Додуше не дека за гиганти настапувал, туку за Белененсес, Келн, Леванте, Хетафе, ама сепак. Во Палмеирас се глупираше исто, а сега и во Атлетико Минеиро.

Италијанска навивачка група има мил водач, што знае добро каков ритам да фати.

Александер Исак на дуелот Шведска - Азербејџан 6:0, им продаде финта во шеснаесетник каква што не се памети. Со грб бе го издрибла, еј. Осум пати го пуштивме клипов.

Уште вакво нешто немавме видено да влета на фудбалски натпревар. Википедија ќе објасни: Опосум - торбарско животно од класата на цицачите. Најчесто се среќаваат во тропски шуми и дождовни шуми. Американскиот опосум кога е во опасност се обидува да ги измами грабливците преправајќи се дека е мртов. Може да лежи неподвижно дури 6 часа.

Снимката е од пред 40 години од мечот Челси - Манчестер Сити во Милк Купот, денес познат како Карабао Куп или наједноставно Лига Куп. Изведувачот е Пет Невин, а коментаторот е запрепастен и со право ќе го прогласи пеналот за најлош.

Турција загуби од Црна Гора 3-1 во меч во кој Арда Ѓулер беше главен адут на Турците. Тој сезонава повеќе игра за репрезентација отколку за клуб. Причините ги знае само Карло Анчелоти. По силен дожд, град и кал на „Градски“ стадион во Никшиќ, Арда покажа умешност со топката.

Осумнаесет годишниот Лукас Бергвал кој игра за Тотенхем, синоќа на мечот Шведска - Азербејџан изведе еден маестрален ролинг каков што ретко се гледа. Потег на колото во Лига на Нации.

Шведскиот репрезентативец Виктор Ѓокереш повторно ја залуди фудбалската јавност откако пак даде 4 гола на еден меч. Овојпат на дуелот Шведска - Азербејџан во последното коло од групната фаза на Лига на нации каде Швеѓаните славеа 6-0 (Дејан Кулушевски постигна 2 гола и имаше 1 асистенција).

Еквадор забележа огромна победа и освои три златни бода на гостувањето кај Колумбија откако славеше со 0-1 и изби на 3-то место во јужно-американските квалификации за Светско 2026. Лидер на Еквадор е 35-годишниот капитен Енер Валенсија кој во Европа играше за Вест Хем, Евертон и Фенербахче а сега е во бразилски Интернасионал. Погледнете го неговиот злато вреден гол.

Во последното коло од групната фаза на Лига на нации, Црна Гора која од клупата ја води легендарниот Роберт Просинечки, ја растури Турција со 3:1. Јунак на мечот беше центарфорот на Лече, Никола Крстовиќ кој постигна хет-трик со три прекрасни гола. Единствениот погодок за Турците го даде Кенан Јилдиз. Натпреварот се играше на стадионот во Никшиќ каде поради обилни дождови теренот беше каллив.

Можна е балканска група. 1. Хрватска, 2. Србија, 3. Македонија, 4. Бугарија. За противникот од петтиот шешир ни е секако сеедно. Ждрепката е на 13 декември. Директен пласман обезбедуваат само првопласираните, а вторите играат плејоф против најдобрите четири селекции од Лига на нации.

Фудбалската репрезентација на Албанија пред последното коло во Лига на Нации беше на второ место во својата група и имаа шанса да се борат за А дивизија. Синоќа изгубија дома 1-2 од Украина, паднаа на последно место во својата група и испаднаа во Ц дивизија. Украинците славеа со головите на Зинченко во 5-та минута и Јаремчук во 10-та минута. Единствениот погодок за домашните го даде Недим Бајрами во 75-та минута од пенал.

Србија и Данска одиграа 0:0 во последното коло од Лига на нации. На пресот на гостите после мечот се појави селекторот Брајан Ример. Толку е веста.

Репрезентацијата на Бразил повторно многу ги разочара своите навивачи откако одигра само 1-1 на домашен терен против Уругвај во квалификациите за Светско првенство 2026. Ургувајците поведоа преку Федерико Валверде кој постигна убав гол во 55' минута а Жерсон набрзо израмни исто со прекрасен погодок во 62-ра минута. На стадионот „Фонте Нова“ навивачите со свирежи ги испратија бразилските репрезентативци кои сега после 12 кола се на 5-то место со 18 освоени бода, 7 помалку од лидерот Аргентина.

Толку е потребно за Аргентина да победи кога има напад од таков калибар. Феноменалната комбинација Меси - Мартинез, заврши работа против Перу (1:0), за нови 3 бода во мундијалските квалификации каде се лидери во групата со 25 бода на 12 средби.

635 настапи и 168 гола за клуб и 126 настапи и 33 гола за репрезентација. Како и 14 трофеи. Не дека се овие бројки слаби, ама можеше уште, ако не влезеше во таа малерозна низа на повреди во Реал Мадрид, каде и не се снајде. Штета што играчиште како Еден Азар го гледавме како везе само до 32 години. Анри објаснува за него кратко и јасно.

И покрај тоа што прво на ред е Мундијалот 2026, па 2030, ултра богатата земја која си собра Роналдо и екипата на печалба, веќе почна со кампања за Светското 2034.

Ако едно парче тежи од прилика по 100 грама, тогаш Ерлинг Халанд фукнал кило бифтек. Минимум. Не постирал повеќе од тоа, но се надеваме дека оваа мега примамлива порција ја комбинирал со  црвено вино, а не со кока кола или сл.

Според официјалните статистики, Пеле е трет стрелец во историјата на фудбалот со 762 гола, втор е Меси со 850, а прв Роналдо со 910. Но, на Википедијата на Пеле стојат 1.279 голови на 1.363 средби, бидејќи тука се вклучени и головите на неофицијални средби. Делириум настанал кога стигнал до големиот јубилеј. Го дава за Сантос на Маракана на 19 ноември 1969-та на 29 години. Играта ја прекинале.

Арон Фалон е еден од најјаките играчи на светски познатата фудбалска симулација Фудбал Менаџер. Тој добил покана од Динамо Загреб да го посети клубот и во живо, во прво лице да види како се води екипата на терен. Арон неодамна играл на Светско првенство во Фудбал Менаџер во Ливерпул. Играл погаѓате со кој тим.

Дејвис Куп репрезентацијата на Шпанија денес ќе игра во четртфинале против Холандија. Во селекцијата е и легендарниот Рафа Надал кој неодамна најави дека овој турнир ќе му биде последен во кариерата. Најк снимил уште една реклама во негова чест, а Рафа изјави како тука момците се битни, не негово евентуално пензионирање и дека му е толку убаво во репрезентацијата што воопшто не размислува на крајот.

Една од најголемите култни легенди на бразилскиот фудбал и на Барселона, Ривалдо учествувал во ревијален натпревар со хуманитарен карактер во бразилскиот град Коритиба. Играле поранешни ѕвезди на Барселона против поранешни бразилски фудбалери. Меѓу другите настапиле уште и Ромарио, Хавиер Савиола, Едмилсон, Кафу, Зе Роберто. Ривалдо го отворил мечот со преубав гол од слободен удар, во негов стил.

Србија и Данска одиграа само 0:0 во последното коло од Лига на нации. Премалку, ако се ѕирне статистиката, која вели вкупно 22 шутеви на Србите наспроти 8 на Данците. Или уште подобро ако се погледнат најзрелите 7 на мечот од кои 5 на домаќинот или три на Влаховиќ.