Верувале или не Јувентус синоќа го одигра 13-от нерешен натпревар на 20 средби во Серија А сезонава. Ремизираа 1-1 против Аталанта на гости каде прво имаа водство со голот на стоперот Пјер Калулу, но Ретеги израмни за домашните во 78-ма минута. Голманот на Аталанта Марко Карнезеки уште еднаш покажа рефлекси како пантер. Извади нешто што во 99% од случаевите е гол.

На нерешените резултати од Премиер лигата синоќа, се приклучува и Челси, кој водеше против Борнмут со голот на Палмер, па губеше и на крај се спаси. Работата ја заврши Рис Џејмс во 95-та минута за конечни 2:2.

Бразилците мака мачат во квалификациите и пласманот на Светско 2026 кое се игра во САД, Канада и Мексико уште не им е обезбеден, ама Ромарио има план како да настапат таму.

Актуелниот првак на Германија гази сè пред себе и после големата победа над Борусија Дортмунд на гости изминатиов викенд, го реши дома Мајнц со 1:0. Сув лист на Алекс Грималдо, онаму каде што се немоќни голманите, во агол. Од 31 август не знаат за пораз во Бундеслигата. Имаат 11 победи по ред на сите натпреварувања.

Додека Тотенхем мака мачеше со голманите, едно нивно дете пратено на позајмица во Лејтон Ориент прави чуда во ФА Купот.

Манчестер Сити се освести и врза три победи по ред, две во Премиер и една во ФА Купот. Ама пак заебаа работа. Со двата гола на Фоден во вториот дел, имаа предност на гостувањето против Брентфорд од 0:2 и не победија. Примија голови во 82-ра и 92-ра минута. Пеп во исто време го караше, го гушкаше, го бацуваше, па пак го караше голманот Ортега.

Комо поведе во 60-та минута, но гостите не дозволија изненадување и со два убави погодока во рок од 5 минути, направија пресврт за конечни 1:2. Стрелци на головите, двете главни имиња во тимот Тео Хернандез и Рафаел Леао. Бекот стана прв стрелец во историјата на Милан меѓу дефанзивците. Росонерите од 9-та, скокнаа на 7-ма позиција.

Доколку фудбалот во нашата држава беше реално вреднуван, делото на Драган Мутибариќ ќе беше изучувано и почитувано како дел од нашето културно наследство. Тој е втор на вечната листа по бројот на одиграни натпревари за Вардар и прв по најдолгата серија на сочувана мрежа без примен гол. Овие податоци се само дел од неговото величествено спортско наследство. Тој сè уште не ја доби заслужената почит и признание од државата.

Грчката Суперлига е многу неизвесна и сезонава и за титулата се борат четирите најголеми ривали Олимпијакос (40 бода), АЕК (37 бода), Панатинаикос (36 бода), ПАОК (33 бода). Панатинаикос изминатиов викенд играше 2-2 на гости против Пансераикос и изгуби два драгоцени бода само поради глупоста што ја направи полскиот голман Бартломеј Дронговски.

Меѓу фудбалерите отсекогаш имало секакви приказни, ама онаа на некогашниот светски шампион со Германија Андре Ширле е баш интересна. Тој по богатата кариера во Мајнц, Баер Леверкузен, Челси, Волфсбург, Борусија Дортмунд, Фулам и Спартак Москва, реши рано да ја заврши играчката приказна и да се посвети на нешто друго. Тој планинари во сурови зимски услови, соблечен до гола кожа на минусни температури.

Саудиската публика, а нормално и странци кои го гледаа големото дерби Реал - Барса во финалето на шпанскиот Супер Куп, уживаа во седум гола,  многу дриблинзи, шанси, но и во реакции по кадри на видео бимовите.

Триесет и две годишниот Кореец веќе 10 години е во Тотенхем за кого на 320 меча има 125 гола. Капитен е на екипата и права легенда на клубот. За својата земја на 130 настапи има 51 гол. Сега му ги прикажуваа најубавите моменти од неговата кариера и ги коментираше. Во 2020-та година доби вредна награда „Ференц Пушкаш“ за најубав гол на светот таа сезона.

ФА Купот натпреварот меѓу Милвол и Даг енд Ред кој заврши 3:0, донесе необичен и ретко виден погодок. Го постигна 20 годишниот Србин, Михаило Ивановиќ. И Оливер Бироф му се чуди на потегов.

Во време на најголемо ривалство меѓу Арсенал и Манчестер Јунајтед, кога двата клуба доминираа со англискиот фудбал, капитените на двата тима, Патрик Виера и Рој Кин водеа жестоки битки на и надвор од теренот. Често се фаќаа за гуша.

Барселона го развали Реал Мадрид со 2:5 во големото финале на шпанскиот Супер Куп кое се играше во Саудиска Арабија. Рафиња беше играч на мечот, заслужено зошто постигна два прекрасни гола и беше диригент на играта на Барса.

Во понеделничката фудбалска понуда, освен италијанска, имаше и една шпанска средба во која Реал Сосиедад освои важни 3 бода против Виљареал. Целата работа ја заврши, кој друг ако не Такефуса Кубо, кој го претрча цел терен и потоа успеа да се справи умешно со двајца дефанзивци.

Ај да ги испукаат конфетите, па ќе фатиме накај соблекувална. Нетипични сцени после финалето во шпанскиот Супер Куп.

Шестопласираната Фиорентина која игра одлична сезона, попи шамар на гостувањето против Монца, која е на дното на табелата. Убав гол даде Даниел Малдини, втор за него сезонава и вкупно 10-ти во кариерата. Го прогласија за играч на натпреварот.

Статистиката после синоќешното Ел Класико финале, покажа дека Барселона во 21 век има четири победи над Реал Мадрид со 5 или повеќе голови. Некој се сетил на едно место да стави занимливи сличности од две дербија.

Словенија има бисер од напаѓач, генерација 2003-та, кој не престанува да импресионира со игрите и голчиштата. Во јуни 2024-та го бараа Арсенал, Челси, Манчестер Јунајтед и Милан, но тој реши да го продолжи договорот со Лајпциг до 2029-та. Погледнете го ова коло како им ја збибери на Вердер. Не се брани ова.

Џошуа Зиркзе ја реши пенал серијата и го однесе Манчестер Јунајтед во 4. коло од ФА Купот на дербито против Арсенал кое во регуларните 90 минути заврши 1:1. Во еден момент, на газ го седна својот чувар со еден потег, па имаше смеење на средина од теренот.

Српскиот репрезентативец Мијат Гаќиновиќ ја имаше в рака кандидатурата за гол на годината уште на стартот на 2025-та. Следен пат вакво нешто, прашање е дали ќе му се поклопи на тренинзите на АЕК Атина, а не па во игра.

Пеп им даде автограми на младите навивачи, но ги искара, бидејќи доаѓаат со повеќе предмети кои потоа ги продаваат со негов автограм. „Не доаѓајте повторно, нема да ви се потпишувам, ви ги знам лицата. Одете во школо, млади сте, не си го губите времето овде. Дали сакате да го поминете остатокот од животот правејќи го ова?“, им рече Гвардиола.

Поранешниот стопер на Барселона имаше специјален поздрав до екс голманот на Реал Мадрид, кои се видоа веднаш после финалето кое заврши 5:2.