Легендарниот бразилски стопер кој играше за Милан, ПСЖ и Челси, уште игра фудбал, а роден е 84-та. Му донесе 3 бода на Флуминенсе на дуелот против Јувентуд со велемајсторка акробација во 98 минута. Сигурно еден од најјаките голови во кариерата, ако не е и најјак.

Златан тука има 26 години, а Паоло 40, плус зборуваме за градско дерби. Дефиниција за игра во одбрана против тешка градба за чување. Без пардон му влезе.

Светски познатиот мурал на легендарниот Диего Армандо Марадона во Неапол бил прекриен во знак на протест на локалните продавачи на сувенири на кои инспектори им ја одзеле робата.

Во уште еден од бројните НБА пред-сезонски натпреври, Шарлот Хорнетс убедливо го совладал Мемфис Гризлис 145-116. Мајлс Бриџис бил најефикасен кај „стршлените“ со 29 поени, 10 скока и 5 асистенции. ЛаМело Бол имал 23 поени, 5 скока и 8 асистенции од кои една луда после дриблинг меѓу нозе на противник.

Ромелу Лукаку и брат му Џордан објавиле заедничка објава на друштвените мрежи во која ги осудуваат семејните кавги поради кои биле спречени во намерата телото да го вратат во Белгија и татко им да го погребаат во Брисел.

Не е во прашање само неговата кондициона подготвеност. Силата на Лука лежи во неговата желба да продолжи да победува со Милан. А комбинацијата функционира совршено.

Ова правило како и сите во обид, се пробуваат најпрвин во младинскиот фудбал. Таму се експериментира па ако пројде добро, полека го внесуваат во сениорски фудбал. На дуелот од полуфинале на Светско првенство У-20 меѓу Мароко и Франција, мароканскиот селектор го искористи правилото да крене картон за да побара гледање ВАР. Ова е ново правило со кое ФИФА им овозможува на селекторите и тренерите да бараат ВАР и секако ќе биде ограничено на едно или две барања во текот на натпреварот.

Нејмар го нема ама Сантос без него го совлада Коринтијанс со 3-1 во 27. коло од бразилската Серија А. Домашниот фудбалер Бареал во 39' минута постигна фантастичен гол каков што ретко се гледа по терените.

Италија го совлада Израел 3:0 во мундијалските квалификации. Публиката му кажа на гостинот што мисли за геноцидот во Газа.

Мариано Торес од Коста Рика ги збуни и соиграчите и противниците и публиката и коментаторот.

Џенаро Гатузо е првиот италијански селектор кој ја надминал границата од 10 гола на првите три натпревари, а во неговиот случај рекордот гласи 13 постигнати голови. На четвртиот меч стигна до нови 3 гола или вкупно 16 досега. 5:0 и 1:3 против Естонија, 4:5 и 3:0 со Израел. Секогаш е оригинален во изјавите.

Кога сме веќе на тема репрезентативен фудбал, одиме со следниов состав: Андреј Панадиќ, Роберт Просинечки, Мирослав Ѓукиќ, Синиша Михајловиќ, Драгоје Лековиќ, Давор Шукер, Звонимир Бобан, Дејан Савиќевиќ, Бранко Брновиќ, Роберт Јарни, Џони Новак. Како ви звучи?

Катарците со 2-1 ги победија Обединети Арапски Емирати и обезбедија пласман на Светско првенство 2026. На гостите им требаше и бод за да тие одат на Мундијал ама изгубија и Катар ќе биде уште еден учесник од Азија. За време на дуелот, шпанскиот тренер Хулен Лопетеги кој е селектор на Катарците доживеа страшен удар со топка во глава.

Уште не сме завршиле со мундијалските квалификации за овој месец. Го слушнавте ли хрватскиот коментатор на Спортклуб како го пренесе голот на капитенот на Македонија? Мислиш Лука Модриќ го даде.

Албанија не е за потценување. Под водство на Бразилецот Силвињо имаат скор од 16 победи, 6 нерешени и 9 порази и се многу блиску од бараж за Светско. По триумфот над Србија на гости, синоќа играа пријателска против Јордан кој го добија со 4:2. Погледнете го ударов на Хоџа од Динамо Загреб. Страшна бомба.

Нуно Мендес, Роналдо и Бруно Фернандеш се договараа што да искомбинираат од прекин против Унгарија. Бруно се тргна, овие двајцава не знаеа кај тераат.

Италија тргна јако под водство на Гатузо кој има 4 од 4, со голема ефикасност од 16 дадени и 5 примени гола. На стадионот Фриули во Удине го совладаа Израел со 3:0. Два гола на Ретеги, од кои едниот мајсторски и еден на Манчини. Италијанците имаат 15 бода на 4 кола до крај и се на -3 од Норвешка.

Во завршната вечер од репрезентативниот прозор за октомври Португалците кои се убедлив лидер во својата група одиграа само 2-2 со Унгарија која постигна златен гол во 90+1' минута од судиското продолжение. Кристијано Роналдо стигна до својот 947-ми па и 948-ми гол во кариерата и стана најдобар стрелец во историјата на квалификациите за Светско првенство!

Светскиот шампион уште одамна ги заврши сите работи околу пласманот на Светско првенство 2026 и сега веќе некое време се подготвува за Мундијалот. Синоќа одиграа пријателска против Порторико во Форт Лодердејл во САД Лионел Меси одигра цел натпревар, не даде ниту еден гол а имаше 2 асистенции.

Ах оваа Андора какви спомени ни носи. Дома 0:0 на замрзнат терен во јануари, кој бил знае, а таму го изедовме срамот 1:0 во време на Хари. Србите кои се во фудбалска агонија, замислете губеа од нив и тоа со гол од скоро пола терен на Силвиан Лопез во 17 минута. Само две минути подоцна извесен Гарсија сам си ја заби од корнер за 1:1. Триумфот од 1:3 го донесоа Влаховиќ и Митровиќ во вториот дел.

Баш фино се разбраа. Браво.

9 октомври 1996 година. Шпанија и гостува на Чешка со Луис Енрике, Фернандо Јеро, а во екипа е и Раул Гонзалес кој дебитира за репрезентација на 19 години. Чесите сметаат дека шпанската химна е предолга, 2 минути и 30 секунди. После 1 минута се слушаат свирежи. Една година подоцна, на 10 октомври 1997 година, со кралски декрет се утврдува дека националната химна ќе трае 52 секунди за долга и 27 секунди за кратката верзија.