По поразите на Интер и Рома и ремито на Лацио и Милан не успеа да победи во битката за ЛШ и одигра само 1:1 против Салернитана. Во 88 минута имаше мешаница во која сите ја видоа топката во гол, но на забавената снимка се гледа како Калулу легнат на сама гол линија, му удира топката во рака и со тоа спречува погодок за 2:1, кој ќе беше автогол на гостите.

Легендарниот стопер на Ливерпул ја заврши кариерата лани во Спартак Трнава на 37 години. Имал ветување дека ќе се врати во клубот од детството, Хајскала Разточно кој игра во локална словачка лига. Ветено - сторено.

Во последното интервју како член на Манчестер Јунајтед, Кристијано Роналдо во критикувањето зборуваше и за тренинг базата на клубот каде ништо не мрднало со прст. За клуб со такво име и реноме, некако не оди вакви работи да си дозволуваат.

Само што почна дуелот меѓу АЗ Алкмар и Гронинген од 25. коло на холандското првенство, во четврта минута Швеѓанецот Јеспер Карлсон го даде единствениот, победнички гол на мечот. И тоа какво голиште! АЗ Алкмар со овој триумф остана трет на табела со 53 бода, зад лидерот Феенорд кој има 58 и Ајакс кој е втор со 55.

Спортинг Лисабон со 3-0 ја совлада Боависта во 24. коло од португалската Примеира и направија супер увертира пред реваншот со Арсенал во Лига Европа во четврток. Голот на Нуњо Сантош на овој натпревар и официјално се смета за најубав на Спортинг сезонава, а ќе конкурира и за број 1 во лигата.

Колку пати и да кажеме „вакво нешто не сме виделе“, следниот пат ќе испадне уште полуда епизода. Особено оние од азискиот фудбал. На мечот од најдобрата лига на Јужна Кореја меѓу Сеул и Улсан, голманот на домашните при резултат 1-1 во 88’ минута сака да изигрува Џек. И го изиграа.

Вардарци викендов славеа 4:1 против Караорман и избија на челната позиција во втората македонска лига. И покрај финансиските проблеми, клубот грчевито се бори за кам бек во прволигашкото друштво и ја билда атмосферата.

Ова е нешто поради што Манчестер Јунајтед секогаш ќе биде класа. На „Олд Трафорд“ секогаш се оддавала огромна почит и чест кон постарите, особено најстарите, каков што е случајот со Артур Лили, 100-годишен вљубеник во трофејниот клуб од индустрискиот град. Прекрасна средба со двајца господа.

Јувентус ја доби Сампдорија со 4:2. Во 64-та минута после оние 2:2 во првиот дел, Рабио постигна гол за ново водство од 3:2. Гостите со прави бараа голот да биде поништен, а апла играњето со рака му го пуштија и на српскиот стратег после мечот.

Со голот на Рафиња, фудбалерите на Барселона го добија тешкото гостување во Баскија против Атлетик Билбао и останаа на +9 пред Реал. На крајот беше многу опасно. Примија гол во 87-ма, но беше поништен со ВАР поради играње со рака. Потоа Тер Штеген и Алонсо спасија чудо, особено бекот на Барса кој ја жртвуваше главата за да одбрани волеј удар.

Темните облаци кои се надвисија над „Камп Ноу“ пред неколку години, никако да заминат. Со доаѓањето на Чави на клупата клубот доживеа блесок и е на одличен пат да ја освои титулата во Ла Лига, но повторно се појавија темни облаци во тешки обвинувања дека поранешната управа и претседател на клубот подмитувале судија.

Боливија и сè е можно. Се обиде да ја подаде убаво и да ја измами одбраната, а на крај појма нема и самиот што изведе. Се чудеше и како да не му беше јасно.

Само што се доделија ФИФА наградите за најдобрите во изминатата сезона, а меѓу нив беше и признанието „Ференц Пушкаш“ за најубав гол на минатата година, сега падна погодок кој сигурно ќе конкурира за следниот избор. Во англиската трета лига, Питерборо изгуби дома 0-3 од Челтенам. За гостите два гола дал Алфи Меј од кои едниот е сигурно гол на сезоната на островот.

Во еден момент од мечот Болоња - Лацио кој заврши без голови, во клинч влегоа Фелипе Андерсон и пит-булот Гари Медел. Судијата Мареска се залета да ги раздели но испадна ко да е на лизгалиште.

Наполи се врати на +18 пред Интер после синоќешниот триумф над Аталанта од 2:0. Елмас влезе во второ и го намести вториот гол од корнер. После мечот навивач го познаа во густиот сообраќај во кола, а Елиф како подарок му ја даде тренерката.

Чиро Ферара и Масимо Амброзини и гостуваат на прекрасната Дилета Леота на мечот Наполи - Аталанта. Легендарниот економ Томазо Стараче им влетува во живо со неговото фамозно наполитанско кафе. Каков цар, на лице место им го сипа топло, а на крај и камерманот му даде.

Наполитанците експресно брзо се кренаа после поразот дома од Лацио пред пет дена. Имаат водство против Аталанта од 1:0, со голот на Кварацхелија во 60 минута. Грузиецот ги понижи дефанзивците и ги прати по цигари. Вкупно седум играчи го заобиколија.

Спортскиот храм во срцето на Кисела Вода каде некогаш се играа врвна одбојка, кошарка и ракомет и каде Вардар Ватростална со Пепи Манасков освојуваше титули, повеќе не личи на сала. Распад систем е внатре, а срамните кадри ги сними спортскиот новинар Мијалче Дургутов. Како 200 вакви да имаме, па е тешко да ги одржуваме. Бојлер има на влез.

По сторијата за Предраг Спасиќ кој иако играл во Реал Мадрид па банкротирал и сега раскажа дека живее многу тешко, слична вест стигна и за поранешен репрезентативец на Канада.

180 милиони евра за Мбапе, потоа нови 630 милиони бруто за нов тригодишен договор со невидени привилегии. 222 милиони за Нејмар, плус Меси го купија. ПСЖ е опседнат со големи имиња, заборавајќи ги основните принцини во фудбалот. Дека тоа е спорт кој се игра со тим.

Не за џабе ден-денес е единствен фудбалер од Африка кој добил „Златна топка“ за најдобар играч на светот. Претседателот на Либерија и легенда на Милан, Жорж Веа чиј син настапува за репрезентацијата на САД, на свои 56 години покажа дека класата е вечна.

Џовани Трапатони (83) е една од најголемите тренерски легенди и еден од петмината со трофеи во четири земји (Италија, Германија, Португалија и Австрија). Во два наврати го водеше Баерн со кој има три трофеи. Има една незаборавна прес конференција на која со лоша граматика и полн со емоции, ги критикуваше перформансите на своите играчи. Онака ултра темпераментно и бесно. Кога заврши, не дозволи ни прашања. Си отиде лут.

Фелипе Мело кој некогаш играше за Фиорентина, Јувентус, Интер, Мајорка, Палмеирас, Галатасарај и други бразилски клубови, има 38 години. Сега е член на лидерот во бразилското првенство Кариока Серија А, Флуминенсе. На дербито со Фламенго на гости синоќа влегол во 88’ минута а во 89-та добил директен црвен картон зошто направил гужва по еден фаул врз негов соиграч.