Македонскиот репрезентативец, Езџан Алиоски успехот да стигне и да заигра фудбал во една Англија му го препишува на својот татко и за да му се заблагодари направи гест со кој му го стопи срцето.
Алиоски на својот татко му купи кола, а големото изненадување е овековечено во одлично видео направено со поддршка на агенцијата која што го застапува.
Тој официјално стана играч на Лидс Јунајтед на 13 јули, а некои медиуми пишуваа дека за 4 годишниот договор ќе заработи 10 милиони фунти.
25 годишното офанзивно крило родено во Прилеп изминативе 7 години кариерата ја градеше во Швајцарија во екипите на Јанг Бојс Б, Шафхаузен и Лугано, а мината сезона му беше извонредна и ја заврши како трет стрелец во првенството со 16 гола.
Алиоски во моментов е во Хаифа каде утревечер со македонската репрезентација го чека мундијалски квалификациски натпревар против Израел.
Минатиот викенд го постигна својо деби гол за Лидс.
