Роналдо го пцуеше судијата, не му досудија два пенали

Со головите на Талиска и Брозовиќ во судиското продолжение, Ал Наср се избори за пласман во групната фаза на азиската Лига на шампиони. Кристијано Роналдо не се запиша на листата на стрелци и повторно правеше сцени.

Ал Наср славеше против Ал Ахли од Обединети Арапски Емирати во натпревар од плејофот, вреден групи во ЛШ во Азија.

И покрај тоа што први поведоа со голот на Бразилецот Талиска, Роналдо и компанија беа многу блиску до елиминација, бидејќи до 88 минута губеа 1:2.

Но тогаш Алганхам израмни на 2:2, а спасители на мечот беа Талиска и Брозовиќ во 95-та и 97-ма минута за конечни 4:2.

Кристијано Роналдо беше бесен и му се дереше в лице на судијата „Фак офф“, потоа му велеше „Разбуди се“, а во нервоза бутна и еден акредитиран лик по пат.

Португалецот беше во право за двете спорни ситуации кои делуваат на чисти пенали.