Аталанта која првпат во клупската историја играше во меч за Супер Купот откако претходно го растури Баер Леверкузен со 3-0 во финалето на Лига Европа, пружи каков таков достоен отпор против моќниот Реал Мадрид.
„Кралскиот клуб“ го покажа сиот раскош со неверојатното трио Белингем-Винисиус-Мбапе но Бергамашите добро се бранеа во првиот дел а создадоа и по некоја контра за да го загреат Куртоа.
Првиот дел заврши без голови, а Реал прв го скрши мразот во 58' минута преку Феде Валверде:
Набрзо и Килијан Мбапе го постигна својот првенец во Реал, на своето деби, во 68' минута за 2-0:
Тоа беше конечен резултат со кој Реал Мадрид стигна до нов шампионски пехар од Супер Купот. А истовремено Лука Модриќ стана рекордер по број на трофеи (27) освоени со Реал Мадрид.
Карло Анчелоти го освои 14. трофеј како тренер на Реал Мадрид во два мандати (2013/2015 и 2021/2024) и се израмни на вечната листа најтрофејни тренери на Реал со Муњоз кој го водел тимот од 1959 до 1974-та.
Зинедин Зидан е трет со 11 трофеи за 4 години (2016/2018 и 2019/2021). Осум пехари на Реал му донел Луис Моловњи од 1977 до 1986.
