Доказ за тоа дека шпанскиот фудбал нуди атрактивна игра и во втората дивизија е интересот на фановите кои на пет дена пред почетокот на мини „Ел класико" веќе ги откупиле сите 16 илјади билети кои биле на располагање.
Цените на картите се движат од 9 до 19 евра, а оние кои поседуваат сезонските влезници имаат можност да купат уште по три по цена од само 3 евра.
Барселона Б во моментов се наоѓа на 5 позиција на табелата со 36 бода, 11 повеќе од 16 пласираниот Реал Мадрид Кастиља. Лидер во првенството е составот на Елче со 50 бодови.
„Кралевите" минатото коло го совладаа Виљареал со 5:0, додека Барса на гости ремизираше против Алмериа 2:2.
