Пред неколку недели, капитенот и детето на Астон Вила Џек Грилиш западна во непријатна ситуација: неколку часа откако апелирал до граѓаните да седат дома и да се придржуваат до мерките, излегол со својот џип и под дејство на алкохол направил голема сообраќајна незгода.
Астон Вила го казни својот фудбалер со 150.000 фунти, а јавноста беше гневна на неговото лицемерие.
Грилиш (24), кој подолго време е на мета на Манчестер Јунајтед се извинил за глупоста а сега направи корисно дело.
Фудбалерот решил да го стави на аукција дресот (за овој култен дрес малку подолу), а собраните средства ги донирал во хондот на NHS (Националната здравствена служба на Велика Британија).
За учество на аукцијата секој учесник морал прво да плати минимум 10 фунти. Секој човек можел да направи неколку повици, а со секој повик се зголемувале шансите да се добие дресот. Секој повик чинел 10 фунти.
Победникот на крај го избрале со помош на специјален програм. Грилиш на крај успеал да собере 55.335 фунти. Се јавиле вкупно 3.615 луѓе а собраните средства биле донирани за опрема во борбата против вирусот.
МИНАТАТА ГОДИНА НАВИВАЧ УПАДНА НА ТЕРЕН НА ГОЛЕМОТО ГРАДСКО ДЕРБИ И ГО УДРИ ГРИЛИШ
Во дресот кој капитенот на Вила го дал на аукција, тој го играше легендарното дерби на Бирмингем, додека Астон Вила уште беше во Чемпионшип. Уште пред мечот на „Сент Ендрјус“ било жестоко, навивачите на двата тима се судриле едни со други а потоа и со полицијата.
За време на мечот тензијата растеше и нередите продолжија. Во 10' минута на терен влета еден лик со капче налик на оние од серијата „Peaky Blinders“ (исто се одвива во Бирмингем) и од зад грб со сета сила го удри капитенот на Астон Вила.
Подоцна се ипостави дека станува збор за извесен Пол Мичел кој повеќе од 20 години имал сезонска карта за натпреварите на Бирмингем. За овој напад тој добил 14 недели затвор.
А Грилиш одговори уште во текот на мечот, и тоа максимално спортски. Во второто полувреме од слободен удар постигна маестрален гол со кој на крајот Астон Вила славеше голема победа против вечниот ривал на негов стадион.
