Голот број 300 на Дефо e за почит

Зарем уште игра Џермејн Дефо? Да, има 38 години, две помалку од тренерот и е еден од ретките напаѓачи како Пандев и Ибра кои уште држат форма на тие години. Член е на Глазгов Ренџерс заедно со Хаџи, ама со син му на легендарниот Романец.

Еден од најдобрите англиски голгетери го паметиме најмногу по блескавите партии во Тотенхем, каде играше во два наврати, се задржа најдолго и остави најголем белег. 

Но неговата кариера не заврши во 2014-та кога си замина од таму, туку продолжи да се забавува во Торонто, Сандерленд, Борнмут, а сега втора сезона е дел од Глазгов Ренџерс, вториот најтрофеен клуб во светот со 54 првенствени титули.

Во 2017-та стана веган со цел да ја продолжи кариерата, начин на исхрана за кој се смета дека има има удел во тоа, а исто така не става ни капка алкохол во уста.

Во моментов е осми најдобар стрелец во Премиер лигата и шести во историјата на Тотенхем.

Внимавајте на овој интересен податок. Дефо е рекордер во Премиер лига кој има постигнато 22 гола откако влегол како резерва.

Ренџерс викендов славеше 2:0 над Ливингстон и сега тимот на Џерард му бега 6 бода на Селтик. Сите зборуваат за начинот на кој Дефо ја заврши оваа акција.

Прекрасен финиш со многу искуство, стил и убавина за јубилеен гол број 300 во неговата клупска кариера.

Поделени по клубови, неговите погодоци одат вака:

143 - Тотенхем
41 - Вест Хем
37 - Сандерленд
27 - Ренџерс
23 - Борнмут
17 - Портсмут
12 - Торонто

Навивачите на Сандерленд уште го зборат овој волеј

Поранешниот англиски репрезентативец кој даде 20 гола за Англија им се заблагодарува на сите колеги кои му ги олеснале головите.

26 октомври 2020 - 12:29

Штета ако сте пропуштиле

Зошто замолкна Смоје?

Ептен лична карта

Пастирот се менува, овците остануваат

Мешај ни, дебела жено холандска