Голманот на Шапекоенсе почна со тренинзи по авионската несреќа

Џексон Фолман сега ќе биде голман на параолимписката репрезентација на Бразил. Ногата му ја ампутираа набрзо по авионската катастрофа и во февруари годинава решил да стане параолимпиец.

За потсетување, на 29 ноември 2016 година авион со играчите на бразилскиот Шапекоенсе кој летал на финалниот меч од Копа Судамерикана против Атлетико Насионал, се сруши во Колумбија. Три фудбалери чудесно ја преживаа несреќата - Рушел, Нето и голманот Фолман.

Нему му ја ампутирале ногата но тој решил да ја продолжи кариерата и да учествува на Паралимпијада. Летово почна лда тренира со протеза на ногата.

Рушел продолжи да игра фудбал и веќе влезе на теренот во натпревари од бразилскиот шампионат, а Нето се уште не забележи настап по страшната трагедија во Колумбија.