Го паметите ли Жињак? Во неделата даде четири гола во Мексико

Откако реши да замине од француското првенство пред неколку години, се очекуваше дека ќе смени клуб и ќе остане во Европа. Ама Жињак го одбра Мексико за живот и кариера и не погреши.

Некогашниот француски репрезентативец и еден од подобрите стрелци во современата Лига 1, Пјер-Андре Жињак во Мексико е сакан како цар. Таму во зоолошките градини тигрите ги нарекуваат по негово име (во градот Монтереј децата гласале Бенгалски тигар да се вика Жињак):

Таму Жињак дава неверојатни голови и ги зачудува Мексиканците:

Таму изјави дека како поранешен играч на Марсеј попрво би умрел отколку да премине во Пари Сен Жермен.  А таму синоќа во победата на Тигрес над Пуебла од 6:1 Жињак постигна четири гола! Од  20 до 65’ минута - четири комада.

Го матираше гостинскиот голман како сакаше: од близина, од слободен удар, со глава, со лева, со десна...

Сезонава на 15 меча Жињак има 14 гола во мексиканското првенство и е прв стрелец.

12 ноември 2018 - 15:09