Има одлична лева нога, сјаен дриблинг, ги растура противничките одбрани и често дава голови. Не, не станува збор за Лионел Меси, туку за едно дете од Шкотска кое го нарекоа „мини Меси".
17-годишниот Рајан Гоулд од Данди Јунајтед го привлече вниманието на сите фудбалски гиганти, а неговата цена расте од ден на ден. Неколку фудбалски клубови имаа свои скаути на последниот натпревар на Данди Јунајтед во шкотското првенство против Партик Тисл, а тој имаше што да им покаже.
Данди Јунајтед победи со 4:1, а Рајан беше асистент на сите четири голови.
