СП Русија

Франција е светски шампион, Хрватска достојна за злато

Во финалето на 21. Светско првенство, репрезентацијата на Франција убедливо со 4:2 (2:1) ја совлада Хрватска и по втор пат го освои највредниот златен пехар во светот на спортот.

Во спектакуларното финале пред 78.000 гледачи на легендарниот „Лужники“ видовме шест гола, автогол, ВАР технологија, неколку спорни моменти и одличен фудбал.

На крајот, по 90 и кусур минути игра „Галските петли“ во своето второ финале по 1998-ма, по вторпат станаа светски прваци.

Од друга страна, Хрватска застана на чекор од остварување на неверојатниот сон, но успеа да направи најголем успех во својата историја. Ако во 1998 беа трети, овојпат се втори на свет што е нестварен успех за „коцкестите“ кои прикажаа најубав фудбал на целиот Мундијал.

ФИНАЛЕ НА СВЕТСКО 2018:

ФРАНЦИЈА - ХРВАТСКА 4:2 (2:1)
/Манџукиќ (а.г.) 18‘, Гризман (пен.) 39’, Погба 59, Мбапе 65’ - Перишиќ 28’, Манџукиќ 69’/ 

Иако Хрватите одлично влегоа во мечот и од стартот имаа контрола на топката, создадоа неколку добри прилики, Французите како речиси на секој меч на ова Светско чекаа своја шанса и по 18’ минути игра ја дочекаа.

Од еден слободен удар од косо Гризман центрираше а Манџукиќ во обид да ја избие во корнер си даде автогол за големо славје на Французите:

Но Хрватите не се предадоа и брзо возвратија. Точно 10 минути по примениот гол, по една одбиена топка во францускиот шеснаесетник Иван Перишиќ маестрално го измести својот чувар и распали со лева за 1-1:

Избраниците на Златко Далиќ и по израмнувањето, тргнаа да бараат нов гол но во 39’ минута при нивна офанзива, Французите се изборија за контра напад и корнер. Нафрлената топка го удри Иван Перишиќ во рака и судијата Питана од Аргентина, по консултација со ВАР снимката покажа на белата точка.

Хрватите протестираа, но Гризман беше ладнокрвен за 2-1 за Франција, резултат со кој се отиде на полувремето:

Во вториот дел со постојани напади по десното крило и спорадични центаршути од левата страна „Ватрените“ се трудеа да израмнат но во 59’ минута Пол Погба по една одбиена топка, со лева пласираше во аголот на Субашиќ за 3-1 и тоа како да беше најава за крајот на сонот на Хрватска:

Шест минути им требаа на Французите преку неверојатниот Мбапе да удрат печат на финалето. Килијан по еден брз продор распали од 20-ина метри и зголеми на 4-1:

На 20 минути пред крајот, од една делумно мирна ситуација, Умтити му ја врати топката на Лорис кој наивно се обиде да го дрибне Манџукиќ но овој ја одби и топката влезе во гол за 4-2:

До крајот Французите успеаа да ја задржат топката, да го сочуваат водството и да ја прослават третата титула светски шампион!

Дидие Дешам, нивниот селектор стана трер селектор на светот кој го освоил Мундијалот и како играч и како предводник од клупата, по Марио Загало и Франц Бекенбауер:

 

15 јули 2018 - 19:34

Штета ако сте пропуштиле

Не, нема да ја биде

Кој наш медиум има најмногу јајца?

За човечката глупост

Сара, батали го!